Тэатральная вясна на «“Беларусь 4” Магілёў» і ў інтэрнэце працягваецца. Глядзіце спектаклі Магілёўскага абласнога тэатра лялек і Магілёўскага абласнога драматычнага тэатра.
Субота, 18 красавіка, 18.40 – «На дне».
Нядзеля, 19 красавіка, 18.10 – «У маленькай сядзібе».
«На дне» – экзістэнцыйная драма Магілёўскага тэатра лялек па аднайменнай п’есе Максіма Горкага. Свет дэфармаваных людзей наразае кругі вакол універсальных пытанняў жыцця і смерці ў спробах знайсці выхад. Ці атрымаецца знайсці яго, калі ў чалавека няма большага ворага, чым ён сам? У спектаклі глыбокая трагедыя пераплятаецца з чорным гумарам, лялькі змешваюцца з акцёрамі, перасякаючы мяжу страшнай казкі і тэатра абсурду. Рэжысёр – Ігар Казакоў.
«У маленькай сядзібе» – спектакль па п’есе польскага драматурга Станіслава Віткевіча, аўтара «тэорыі чыстай формы», папярэдніка абсурдыстаў. Гэта гісторыя адной сям’і, у якой памірае гаспадыня дома. Двое юных дачок застаюцца на апецы мужа і іншых сваякоў. Але дух памерлай маці вяртаецца, каб аднавіць праўду мінулага і зазірнуць у непазбежнае будучае. Што ведаюць там, «наверсе», і ў чым мы памыляемся «тут»... Спробу разабрацца ў гэтых таямніцах зрабілі акцёры Магілёўскага драматычнага тэатра ў пастаноўцы рэжысёра Саўлюса Варнаса.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:07
Сёння ў музеі Масленікава ўрачыста адкрываецца персанальная выстава Аляксандра Рубца
30.04.2024 - 09:37
На фестывалі «Вялікая бард-рыбалка» сёлета адзначаць 80-годдзе вызвалення Беларусі
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»