Удзельнікамі праекту «Роднае-народнае! Дарогамі Адзінства! Развіцця! Славы!» становяцца сем'і ў трох пакаленнях

У Магілёве працягваецца рэалізацыя праекту «Роднае-народнае! Дарогамі Адзінства! Развіцця! Славы!» з элементамі прамысловага і гісторыка-культурнага турызму.

На гэты раз удзельнікі праекта атрымалі магчымасць наведаць самую гарачую кропку на прамысловай карце Магілёва - Магілёўскі металургічны завод. А падчас наведвання Магілёўскага завода ліфтавага машынабудавання пазнаёміліся з шырокай лінейкай прадукцыі. Пабывалі яны і ў Магілёўскім абласным кадэцкім вучылішчы імя Героя Савецкага Саюза Яўгена Мікалаенкі.

Як распавёў кіраўнік праекта Аляксандр Іваненка, гэты праект - знаходка для магіляўчан і гасцей абласнога цэнтра, якія не прывыклі сядзець дома: «У нашага праекта пакуль няма канкурэнтаў - гэта сапраўды народная ініцыятыва, якая была падтрымана мясцовай уладай. Хто яшчэ можа пахваліцца тым, што ўдзел у праекце бяруць цэлымі сем'ямі ў трох пакаленнях?»

Рэд.