Урачыстае адкрыццё выставы «Усходняя Элегантнасць» у рамках Тыдня горада Цяньцзінь у Магілёўскай вобласці адбудзецца 25 чэрвеня ў 12.00 у абласным мастацкім музеі імя П.В.Масленікава.
У 2024 годзе спаўняецца 5 гадоў сяброўству паміж горадам Цяньцзінь і Магілёўскай вобласцю. З гэтай нагоды музеі двух рэгіёнаў рэалізавалі сумесны выставачны праект, які стане гуманістычнай асновай для паглыбленага супрацоўніцтва паміж нашымі краінамі. Экспазіцыя пазнаёміць наведвальнікаў Магілёўскай вобласці з багатай культурнай спадчынай горада Цяньцзінь і Кітаем у цэлым.
Цяньцзінскі музей - гэта ўсёабдымны музей гісторыі і мастацтва. Заснаваны ў 1918 годзе, цяпер ён мае ў сваёй калекцыі звыш 210 тыс. культурных рэліквій з багатай гістарычнай і мастацкай каштоўнасцю.
Выстава, прадстаўленая ў горадзе Магілёве, размесціцца ў трох залах першага паверха музея. Аснову экспазіцыі складуць каля 200 мастацкіх твораў. Сярод іх будуць прадэманстраваны вырабы з фарфору ў розных тэхніках, экспанаты чайнай традыцыі, вырабы з шоўку і знакамітае кітайскае мастацтва каліграфіі, непаўторныя і насычаны нацыянальным каларытам жывапіс, малюнак, скульптура, паветраныя змеі і папяровае выразанне. Усе прадметы экспазіцыі адрозніваюцца багатым зместам і разнастайнымі творчымі тэхнікамі, якія адлюстроўваюць глыбокую і старажытную культурную спадчыну Кітая.
Перад адкрыццём выставы кітайскі бок правядзе прэзентацыю турыстычных рэсурсаў горада Цяньцзінь, а таксама майстар-класы для дзяцей па адбітку гравюры на дрэве, роспісы паветранага змея.
Пры выкарыстанні матэрыялаў актыўная гіперспасылка на mogilev-region.gov.by абавязковая
27.06.2025 - 12:54
Гродзенская бібліятэка прадставіць у Александрыі інклюзіўны праект «Б.І.К.» для асаблівых дзяцей
24.06.2025 - 15:25
Больш пасадачных месцаў, паркоўка, камеры захоўвання: якія выгоды падрыхтавалі для гасцей «Купаля»
24.06.2025 - 14:35
Пра новыя лакацыі на свяце «Купалле» ў Александрыі распавялі ў Магілёўскім аблвыканкаме
24.06.2025 - 14:26
Любімыя песні з фільмаў. Якія сюрпрызы рыхтуе для гледачоў гала-канцэрт на «Купалле» ў Александрыі
24.06.2025 - 10:02
Дзіцячы мастацкі пленэр «Фарбы Магілёва» стартуе ў абласным цэнтры