Унікальная фотавыстава «Салдаты Перамогі» адкрыецца 6 чэрвеня ў 15.00 у Магілёўскім абласным краязнаўчым музеі імя Е. Р. Раманава (пл. Славы, 1), паведамілі ва ўстанове культуры.
У экспазіцыю, якую арганізуюць ў межах праекта «Лесвіца», увойдзе каля 50 здымкаў, прадстаўленых Разанскім гісторыка-архітэктурным музеем-запаведнікам. «Наведвальнікі выставы змогуць убачыць працы з асабістага архіва ваеннага карэспандэнта чырвонаармейскай газеты 50-й арміі «Знішчым ворага» Мікалая Бачарова, – удакладнілі суразмоўцы. – На фотаздымках 1941-1945 гадоў адлюстраваны байцы, якія ўдзельнічалі ў вызваленні Магілёва. Тут будуць прадстаўлены партрэтныя і сюжэтныя здымкі, выявы побыту абаронцаў нашага горада і іншыя».
Фотавыстава «Салдаты Перамогі» працягнецца да 11 жніўня.
Суразмоўцы нагадалі, што ў музеі цяпер працуе экспазіцыя «Перамога нам у агні дасталася», прысвечаная 75-годдзю вызвалення Магілёўскай вобласці. Яна падрыхтавана сумесна з дзяржаўным музеем гісторыі Вялікай Айчыннай вайны і пошукавым клубам «ВІККРУ».
«Упэўнены: гэтыя выставы выдатна дапоўняць адна адну і даставяць наведвальнікам нямала задавальнення», – адзначылі спецыялісты.
Пры выкарыстанні матэрыялаў актыўная гіперспасылка на mogilev-region.gov.by абавязковая
28.03.2024 - 12:14
Пераможцам тэатральнага фестывалю «M.@rt.кантакт» стаў спектакль «Жаніцьба. Фантасмагорыя»
27.03.2024 - 13:22
Больш за 2 тыс. удзельнікаў паспаборнічаюць у конкурсе вакальна-харавога мастацтва ў Магілёве
26.03.2024 - 16:15
Алена Барзова прадставіла магілёўскай публіцы свой монаспектакль