Усебеларуская патрыятычная акцыя «Мы – грамадзяне Беларусі!» з уручэннем пашпартоў пройдзе ў Магілёве 15 сакавіка

У Дзень Канстытуцыі Рэспублікі Беларусь, 15 сакавіка, на Магілёўшчыне пройдзе Усебеларуская акцыя «Мы – грамадзяне Беларусі!». Пра гэта паведамілі ў Магілёўскім абласным камітэце грамадскага аб’яднання «Беларускі рэспубліканскі саюз моладзі».

Як расказалі суразмоўцы, традыцыйна падчас правядзення акцыі пуцёўкі ў дарослае жыццё атрымліваюць выдатнікі вучобы, удзельнікі навукова-практычных канферэнцый, пераможцы і прызёры рэспубліканскіх спаборніцтваў, фестываляў, конкурсаў, прадметных алімпіяд. Пашпарты маладым людзям ва ўрачыстай абстаноўцы ўручаюць кіраўнікі заканадаўчай і выканаўчай улады, грамадскія дзеячы, іншыя заслужаныя і аўтарытэтныя людзі краіны.

Цэнтральнае мерапрыемства ў рэгіёне пройдзе ў Палацы культуры вобласці. Тут важны дакумент у жыцці кожнага беларуса атрымаюць дваццаць пяць 14-гадовых юнакоў і дзяўчат.

Усебеларуская акцыя «Мы – грамадзяне Беларусі!» штогод праходзіць па ініцыятыве БРСМ з 2004 года і заняла годнае месца ў гісторыі маладой беларускай дзяржавы.

Рэд.