Важна ўмацоўваць сувязь паміж уладай і грамадствам, дзяржавай і грамадзянамі, цэнтрам і рэгіёнамі - Вадзім Гігін

Акцыя «Беларусь адзіная» завяршае шэсце па рэгіёнах. Магілёў стаў пятым пунктам у інфармацыйна-асветніцкім маршруце. У адкрытую размову па самых актуальных і часам вострых пытаннях у Беларуска-Расійскім універсітэце ўключыліся каля 300 чалавек: прадстаўнікі працоўных і навучальных калектываў, грамадскіх аб'яднанняў і палітычных партый.

- Напярэдадні вялікага электаральнага цыкла наспела неабходнасць пагаварыць з людзьмі, - адзначыў старшыня РДГА «Беларускае таварыства «Веды», генеральны дырэктар Нацыянальнай бібліятэкі Вадзім Гігін. - За апошні час прынялі новую рэдакцыю Канстытуцыі, законы аб УНС, аб грамадзянскай супольнасці, аб палітычных партыях. Чатыры партыі прайшлі перарэгістрацыю, ідзе актыўны працэс фармавання і развіцця грамадскіх арганізацый, з'яўляюцца новыя ініцыятывы, такія як «Патрыёты Беларусі». Усё гэта патрабуе асэнсавання, таму ідзе такі шчыры дыялог.

– Але замоўчваць іх нельга. Трэба пазначыць, даць неабходны экспертны каментар. Магчыма, нейкія праблемы варта вынесці на ўзровень Парламента ці нават Прэзідэнта. Канешне, падчас падобных сустрэч важна адказаць на пытанні з залы. Калі недзе мы не кампетэнтныя - адвезці іх у Мінск, разабраць і даць адказ. Гэта нармальная сістэма, частка беларускай мадэлі народаўладдзя - зваротная сувязь паміж уладай і грамадствам, паміж дзяржавай і грамадзянамі, паміж цэнтрам і рэгіёнамі. І гэтую сувязь важна ўмацоўваць, - падкрэсліў Вадзім Гігін.

Падчас адкрытага дыялогу яго ўдзельнікі не маглі не закрануць Дня народнага адзінства.

- Грамадскасці ўжо не трэба тлумачыць, што гэта за дата, магчыма, і ніколі не трэба было, - лічыць спікер. - Хутчэй за свята - гэта нагода пагаварыць, што для нас значыць патрыятызм і адзінства беларускага грамадства. Дадзеная размова ніколі не састарэе, але, у адрозненне ад гэтай акцыі ў 2021 ці 2022 годзе, сёння мы гаворым пра будучыню, пра палітычныя перспектывы Беларусі. У любым грамадстве заўсёды ёсць людзі, якія з намі не згодны. І гэтую дыскусійнасць трэба захаваць. Пытанне ў іншым: нельга дапушчаць росты экстрэмізму і радыкалізму. Важная атмасфера даверу, разумення, дыскусійнасці, разумнай крытычнасці, тады працэс палітычнага развіцця краіны будзе кіраваны. Якраз сфармуем тую самую суверэнную дэмакратыю – нашае беларускае народаўладдзе, сімвалам якога з'яўляецца Усебеларускі народны сход.

 СБ