Важна захаваць міжнацыянальны і міжканфесійны мір унутры краіны. Меркаванне

Важна захаваць міжнацыянальны і міжканфесійны мір унутры краіны. Такое меркаванне выказаў член Пастаяннай камісіі па адукацыі, навуцы і сацыяльным развіцці Савета Рэспублікі Алег Дзячэнка падчас нарады з кіраўнікамі грамадскіх аб’яднанняў і партыяў, членамі Каардынацыйнага савета грамадскіх аб’яднанняў і палітычных партый Магілёўскай вобласці.

«Беларусь – краіна міжнацыянальнай і міжканфесійнай згоды. У нас пражывае больш за 100 нацый і народнасцяў. Мы ніколі не завастралі ўвагу на тым, хто чалавек па сваім паходжанні. Для нас гэта ніколі не мела і не мае значэння. Мы кіруемся іншымі параметрамі: наколькі чалавек з’яўляецца чалавекам. У тых інфармацыйных патоках, якія цяпер ідуць, з’яўляецца распальванне міжнацыянальнай варожасці. Нацыянальныя і рэлігійныя пачуцці вельмі глыбокія, іх нельга закранаць. Для нас важна захаваць міжнацыянальны і міжканфесійны мір унутры краіны», – падкрэсліў Алег Дзячэнка.

БЕЛТА