Выберы дату святкавання Дня народнага адзінства. Галасаванне адкрыта на сайце ВНС

Хутка ў нашым календары стане на адно дзяржаўнае свята больш –з’явіцца Дзень народнага адзінства. Якога чысла будзем яго адзначаць? Дату вызначаць шляхам анлайн-галасавання. Для гэтага на сайце Усебеларускага народнага сходу запусцілі спецыяльны сэрвіс.

Заходзім на сайт vsebel.by і клікаем па кнопцы з назвай апытання, яна знаходзіцца пад галоўным банерам. На адкрытай старонцы паказваем адрас сваёй электроннай пошты і ўводзім унікальны код, які прыйшоў на згаданы e-mail. Пасля таго як карыстальнік выканае абедзве ўмовы, яму прадастаўляецца доступ да галасавання. Дату святкавання Дня народнага адзінства прапануюць выбраць з двух варыянтаў: 17 верасня або 14 лістапада. Чаму менавіта гэтыя дні? Справа ў тым, што 17 верасня 1939 года пачаўся вызваленчы паход Чырвонай арміі, у выніку якога адбылося аб’яднанне Заходняй Беларусі і БССР. А 14 лістапада 1939-га на пазачарговай сесіі Вярхоўнага Савета БССР быў падпісаны закон аб прыняцці Заходняй Беларусі ў склад Беларускай Савецкай Сацыялістычнай Рэспублікі.

sb.by