Вынікі выканання ў 2021 годзе галіновага пагаднення падвялі на калегіі ўпраўлення ЖКГ Магілёўскага аблвыканкама

Выніковае пасяджэнне калегіі ўпраўлення жыллёва-камунальнай гаспадаркі абласнога выканаўчага камітэта па падвядзенні вынікаў працы ў 2021 годзе прайшло ў Магілёве.

У ліку разгледжаных пытанняў – вынікі выканання мінулага года пагаднення паміж упраўленнем ЖКГ аблвыканкама і Магілёўскай абласной арганізацыяй Беларускага прафсаюза работнікаў мясцовай прамысловасці і камунальна-бытавых прадпрыемстваў.

З дакладам па гэтым пытанні выступіў старшыня абласной арганізацыі галіновага прафсаюза Павел Жуйкоў.

Прафсаюзны лідар агучыў вынікі сумеснай працы бакоў у межах рэалізацыі пагаднення.

Сярод цэнтральных тэм даклада – пытанні абароны працоўных правоў і законных сацыяльна-эканамічных інтарэсаў работнікаў галіны – членаў прафсаюза, прафілактыкі вытворчага траўматызму і ў цэлым работы ў сферы аховы працы, памеру, своечасовасці і паўнаты выплаты заработнай платы, калектыўна-дамоўнага рэгулявання, аздараўлення і санаторна-курортнага лячэння работнікаў арганізацый, патрыятычная турысцка-экскурсійная праца. Асобная ўвага была нададзена пытанню супрацьдзеяння незаконнаму санкцыйнаму ціску на нашу краіну, грамадска-інфармацыйнай працы ў працоўных калектывах у перыяд кампаніі па правядзенні канстытуцыйнага рэферэндуму.

Рэд.