Выплаты матэрыяльнай дапамогі ветэранам да Дня Перамогі праходзяць ва ўрачыстай атмасферы

25.04.202416:05

У адпаведнасці з рашэннем Кіраўніка дзяржавы штогод да Дня Перамогі ветэранам Вялікай Айчыннай вайны і асобам, якія пацярпелі ад яе наступстваў, выплачваецца матэрыяльная дапамога. У гэтым годзе выплата матэрыяльнай дапамогі праводзіцца ў перыяд з 25 красавіка па 4 мая. У Магілёве дадзеную выплату атрымаюць 35 ветэранаў і больш за 380 грамадзян асобных катэгорый.

Ветэраны знаходзяцца ў зоне асаблівай увагі сацыяльных службаў. Традыцыйна напярэдадні Дня Перамогі праходзяць урачыстыя мерапрыемствы з удзелам моладзі, канцэрты, уручэнні матэрыяльных выплат дома.

Павіншаваць ветэранаў Вялікай Айчыннай вайны і ўручыць матэрыяльную дапамогу да Дня Перамогі, памятныя падарункі сумесна з вучнямі ўстаноў адукацыі прыехалі прадстаўнікі выканаўчай улады.

Адзін з тых, хто сёння сустракаў гасцей, Міхаіл Антонавіч Цітоў. У 1943 годзе 16-гадовым падлеткам ён пайшоў у партызаны. Пасляваенныя гады Міхаіла Антонавіча былі насычанымі, у яго паслужным спісе праца інжынерам у Горках на масласырзаводзе, Маладзечанскім трэсце, Магілёўскім малаказаводзе і не толькі. Ветэран расказаў, што Дзень Перамогі сустрэў у шпіталі, і гэта свята лічыць для сябе самым галоўным:

- Трэба захоўваць гістарычную памяць, не забываць подзвіг нашага народа, які абараніў незалежнасць. Я заўсёды сустракаўся з моладдзю, часта мяне запрашаюць у Дашкаўскую школу. І я заўсёды кажу дзецям, што вайна - гэта гора, страты блізкіх людзей, таму мы павінны берагчы мір. Прэзідэнт правільна сказаў, лепш ваяваць на эканамічным фронце. Галоўнае — працавітасць кожнага з нас, каб наша дзяржава была адзінай, зладжанай і непераможнай. Неабходным яднанне народа. Толькі калі нацыю аб'ядноўваюць агульныя каштоўнасці, памяць, сувязь пакаленняў, мы непераможныя.

СБ

Форма пошуку

Выплаты матэрыяльнай дапамогі ветэранам да Дня Перамогі праходзяць ва ўрачыстай атмасферы

Вы тут

Чытайце таксама ў катэгорыі "грамадства":