Выпускныя вечарыны ў школах Беларусі пройдуць 14 чэрвеня. Аб гэтым журналістам паведаміў міністр адукацыі Андрэй Іванец.
«Выпускныя вечарыны ва ўсіх школах краіны адбудуцца 14 чэрвеня. Да гэтага часу ўжо будуць вядомы вынікі ЦЭ, уручаны сертыфікаты. Адпаведна будуць падведзены вынікі па тых двух прадметах, па якіх выніковая ацэнка ў атэстат ідзе ў выглядзе сярэдняга арыфметычнага паміж гадавой ацэнкай і той, што была атрымана на ЦЭ. Тут ніякіх зменаў няма ў параўнанні з мінулым годам. Якія здалі ЦЭ ў асноўныя дні сертыфікаты з вынікамі цэнтралізаванага іспыту будуць выдадзены не пазней за 12 каляндарных дзён пасля яго завяршэння. Тыя рабяты, якія будуць здаваць цэнтралізаваны іспыт не ў асноўныя тэрміны, атрымаюць вынікі на працягу сямі каляндарных дзён пасля яго праходжання, гэта значыць у больш сціслыя тэрміны з прычыны таго, што такіх абітурыентаў звычайна вельмі мала і тэрміны праверкі істотна скарочаны», - распавёў Андрэй Іванец .
Як і абяцала Міністэрства адукацыі, скан-копію бланка ЦЭ кожны малады чалавек зможа ўбачыць у асабістым кабінеце. «Удзельнік ЦЭ, маючы нумар бланка, ключ ад свайго кабінета, зможа сам сябе пераправерыць з пункту гледжання правільнасці або няправільнасці адказу на тыя ці іншыя пытанні», - дадаў міністр.
