Выязная калегія Міністэрства культуры прайшла ў аграгарадку Жылічы на базе палацава-паркавага ансамбля Булгакаў. Месца яе правядзення выбрана не выпадкова, бо асноўная тэма абмеркавання: «Пра стан працы на знакавых аб'ектах гісторыка-культурнай спадчыны Рэспублікі Беларусь. Аналіз міжнароднага і нацыянальнага супрацоўніцтва».
Удзельнікі калегіі ўсклалі кветкі да помніка педагогам і студэнтам Жыліцкага дзяржаўнага сельскагаспадарчага каледжа, якія загінулі ў гады Вялікай Айчыннай вайны, азнаёміліся з вынікам праведзеных рэстаўрацыйных работ палаца і пачалі разглядаць агучаную тэму.
«За апошнія два гады на гэтым аб'екце праведзены каласальны аб'ём работ, - сказаў Анатоль Маркевіч. - Рэстаўрацыя праводзілася так, каб ні ў якім разе не сказіць гістарычную праўду: паднімаліся архіўныя дакументы, прыцягваліся навуковыя супрацоўнікі. І сёння мы бачым вынік гэтай грунтоўнай і карпатлівай працы».
Як прагучала, аб'ект атрымаў больш як Br30 млн. фінансавання - вялікія сродкі, якія далі магчымасць узнавіць гэта ўнікальнае месца. Да канца чэрвеня гэтага года яго плануецца ўвесці ў эксплуатацыю, а гэта значыць, што зусім хутка беларусы і госці нашай краіны змогуць па заслугах ацаніць работу, праведзеную рэстаўратарамі і музейнымі работнікамі, па адраджэнні былой велічы комплексу.
Пры выкарыстанні матэрыялаў актыўная гіперспасылка на mogilev-region.gov.by абавязковая
03.06.2025 - 09:02
02.06.2025 - 09:45
Названы пераможцы ХХIII Міжнароднага фестывалю дзіцячай творчасці «Залатая пчолка»
29.05.2025 - 14:58
У Клічаве пройдзе рэгіянальны фестываль традыцыйных культур малых гарадоў «Кліч над Вольсай»
27.05.2025 - 14:48
Аб'яўлены конкурс на стварэнне лагатыпа Музея Славы Магілёўшчыны
