Вызначана найлепшая дзясятка спартсменаў Магілёўскай вобласці па выніках 2022 года

У Магілёўскай вобласці вызначылі найлепшую дзясятку спартсменаў па выніках выступленняў на афіцыйных міжнародных спаборніцтвах у 2022 годзе. Пра гэта паведамілі ва ўпраўленні спорту і турызму Магілёўскага аблвыканкама.

«Гэта прадстаўнікі розных відаў спорту, параўноўваць вынікі ў якіх складана, таму тут няма размеркавання месцаў з першага па апошняе – усе годныя і расстаўленыя не па сабраным медальным ураджаі, а па алфавіце», – удакладнілі суразмоўцы.

У топ-10 увайшлі спартсмены, якія паспяхова выступілі на афіцыйных міжнародных спаборніцтвах. Алімбекава Дзінара (біятлон); Вараб’ёва Яўгенія (канькабежны спорт); Голуб Юрый (біятлон, лыжныя гонкі (інваспорт)); Запойкін Уладзіслаў (канькабежны спорт); Капаева Анфіса (самба); Кавалёва Ганна (канькабежны спорт); Кароўкін Антон (стральба з лука); Нікіцёнак Раман (стральба з лука); Уколаў Мікіта (пажарна-прыкладны спорт); Хвашчынская Вера (шашкі); Шарамкоў Ягор (гімнастыка спартыўная).

Рэд.