У Магілёўскай вобласці сёлета пачнуць праектаванне трох новых басейнаў. Пра гэта расказаў начальнік упраўлення спорту і турызму Магілёўскага аблвыканкама Сяргей Новікаў.
Як адзначыў Сяргей Новікаў, у гэтым годзе ў рэгіёне пачнецца праектаванне трох новых басейнаў. «Яны размесцяцца ў Кіраўску, Круглым і Слаўгарадзе», - адзначыў ён.
Акрамя гэтага, сёлета завершацца работы па абсталяванні басейна ў Хоцімску.
«У гэтым годзе мы пачнем распрацоўваць дакументы для будаўніцтва ў Бабруйску вяслярнай базы і фізкультурна-аздараўленчага комплексу. Гэта будуць новыя і сучасныя комплексы», - распавёў ён.
Чакае абнаўлення і стайня Магілёўскага цэнтра алімпійскага рэзерву па конным спорце і сучасным пяціборстве. Як адзначыў Сяргей Новікаў, тут пройдзе рэканструкцыя памяшканняў, у якіх утрымліваюцца коні. Апроч гэтага, у Магілёве сёлета рэканструкцыя пройдзе ў зале мастацкай гімнастыкі.
«Спорт з'яўляецца неад'емнай часткай здаровага ладу жыцця. І наша галоўная мэта - зрабіць так, каб людзі ва ўсіх кутках нашай вобласці змаглі наведваць сучасныя спартыўныя комплексы», - падсумаваў начальнік упраўлення спорту і турызму.
Пры выкарыстанні матэрыялаў актыўная гіперспасылка на mogilev-region.gov.by абавязковая
28.08.2025 - 10:18
Хакеісты «Дынама-Шынніка» рыхтуюцца да старту ў новым сезоне МХЛ
19.08.2025 - 09:17
Магіляўчанін Ягор Шарамкоў выступіць на чэмпіянаце свету па спартыўнай гімнастыцы ў Інданезіі
18.08.2025 - 09:12
Сталі вядомы пераможцы чэмпіянату Беларусі па цяжкай атлетыцы
14.08.2025 - 11:37
Новыя спартовыя пляцоўкі з'явіліся ў адзінаццаці школах Магілёва