З 1 студзеня 2024 года пры афармленні дубліката працоўнай кніжкі працадаўца будзе выкарыстоўваць даныя з Фонду сацыяльнай абароны насельніцтва. Пра гэта распавяла начальніца аддзела індывідуальнага (персаніфікаванага) уліку Фонду сацыяльнай абароны насельніцтва Міністэрства працы і сацыяльнай абароны Ніна Грабар на прэс-канферэнцыі «Лічбавы фонд. Вынікі мадэрнізацыі «Кабінета плацельшчыка ўзносаў».
З 1 студзеня 2024 года набылі моц змяненні, унесеныя ў артыкул 50 Працоўнага Кодэкса. У іх гаворыцца, што пры афармленні дубліката працоўнай кніжкі інфармацыя аб працоўнай дзейнасці работніка за перыяд, пачынаючы з 1 студзеня 2003 года, пацвярджаецца інфармацыяй аб працоўнай дзейнасці, якая змяшчаецца ў індывідуальным асабовым рахунку застрахаванай асобы. «У сувязі з гэтым абавязкі органаў Фонду дапоўнены. Цяпер ён дае працадаўцам інфармацыю аб працоўнай дзейнасці работнікаў за перыяд, пачынаючы з 1 студзеня 2003 года», - адзначыла Ніна Грабар.
«Таксама ўнесены змены ў інструкцыю аб парадку вядзення працоўных кніжак. Так, інфармацыю аб працоўнай дзейнасці наймальнік атрымлівае з дапамогай агульнадзяржаўнай аўтаматызаванай інфармацыйнай сістэмы (партал Е-Паслуга) або з дапамогай інфармацыйнага рэсурсу «Асабісты кабінет плацельшчыкаў узносаў» на партале Фонду», - сказала Ніна Грабар.
Таксама яна падкрэсліла, што атрымаць гэтую інфармацыю працадаўца можа за працуючага грамадзяніна, або калі пасля даты звальнення гэтага грамадзяніна прайшло не больш за 6 месяцаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
30.04.2024 - 11:50
Прамыя тэлефонныя лініі пройдуць 4 мая ў Магілёўскай вобласці
29.04.2024 - 16:05
На аднаго выпускніка да дзесяці заявак - як у БДУТ прайшло размеркаванне
29.04.2024 - 15:59
Адзіны знак «Дрэва жыцця» ўстановяць ва ўсіх абласцях Беларусі ў памяць аб ахвярах генацыду
29.04.2024 - 12:15
29.04.2024 - 10:41
Мінадукацыі скарэктавала тэрміны прыёму ў 10-11-я класы гімназій і школ