З 9 лютага можна праверыць звесткі аб сабе ў спісе выбаршчыкаў. Як гэта зрабіць?

«Сёння пачынаюць працаваць участковыя выбарчыя камісіі. У будны дзень яны працуюць з 17.00 да 19.00, у суботу - з 12.00 да 14.00. У нядзелю камісіі не працуюць. Грамадзянін мае права звярнуцца ва ўчастковую камісію, каб даведацца, ці ёсць ён у спісах. Пры сабе трэба мець пашпарт. Але трэба ўлічваць, што грамадзянін можа праверыць інфармацыю толькі аб сабе. Гэта значыць зрабіць гэта, напрыклад, за сваіх сваякоў ён не можа», - сказаў Аляксандр Шчаковіч.

Калі выбаршчык даведаўся, што звесткі пазначаны няправільна, ён можа звярнуцца з заявай, каб у іх унеслі змены. «Гэта можа зрабіць і ў перыяд датэрміновага галасавання, і непасрэдна ў адзіны дзень галасавання, калі ёсць памылка ў даце нараджэння ці прозвішчы», - падкрэсліў старшыня Менскай гарадской выбарчай камісіі.

Калі чакаць першых вынікаў адзінага дня галасавання, расказалі ў ЦВК

Калі ўзнікла сітуацыя, калі ў чалавека не было рэгістрацыі на момант падрыхтоўкі спісаў, ён усё роўна можа прыйсці з пашпартам і прагаласаваць па месцы новай рэгістрацыі, падаўшы адпаведны дакумент. «Калі чалавек прыходзіць з пашпартам, у якім указана новае месца рэгістрацыі, яго прозвішчам проста дапоўняць спіс і ён зможа прагаласаваць», - адзначыў Аляксандр Шчаковіч.

БЕЛТА