З канцэртам - у цэх: магіляўчане атрымліваюць незвычайныя віншаванні з Днём народнага адзінства

Напярэдадні Дня народнага адзінства канцэрт «Мы адзіныя!» прайшоў у СЗАТ «Магілёўскі вагонабудаўнічы завод». Яркую традыцыю цэхавых канцэртаў, якія дораць пазітыў работнікам, паднёс «Марафон адзінства». Ініцыятыва працягвае жыць і натхняць.

Намеснік дырэктара па ідэалагічнай рабоце, працы і кадравай палітыцы завода Дзмітрый Грэчыха падкрэсліў, што такія канцэрты дазваляюць прынесці свята тым, хто не можа пакінуць сваё працоўнае месца з-за бесперапыннага цыкла.

— Ідэя такіх канцэртаў вельмі цікавая, а яе ўвасабленне - проста выдатнае. Цяпер свята прыходзіць прама да нас на вытворчасць! - падкрэсліў ён.

Праграма мерапрыемства атрымалася насычанай і разнастайнай. Для завадчан выступілі артысты ДУА «Магілёўская дзіцячая школа мастацтваў №3 імя М.М. Салдатава». Яны выканалі знаёмыя і любімыя ўсімі хіты савецкіх і замежных кампазітараў.

- Такія канцэрты аб'ядноўваюць людзей, паднімаюць настрой, запальваюць душы. Мы ствараем музычную аўру, сваю энергетыку і ў адказ ловім шмат авацый і крыкаў «Брава!». У выніку самі падсілкоўваемся гэтым пазітывам, - падзялілася арганізатар канцэрта, дырэктар ДУА «Магілёўская дзіцячая школа мастацтваў №3 імя М.М. Салдатава» Жанна Мартынава.

 mogilevnews.by