За выхадныя дні ў Магілёўскай вобласці адбылося 13 пажараў, 30 разоў ратавальнікі выязджалі на тушэнне сухой расліннасці

За выхадныя дні ў Магілёўскай вобласці адбылося 13 пажараў, 30 разоў ратавальнікі выязджалі на тушэнне сухой расліннасці, 2 – на тушэнне лесу. Загінулі 3 чалавекі, як паведаміла старшы інспектар абласнога ўпраўлення МНС Вольга Нехарошых.

Так, пазней выяўленне пажару не пакінула шанцаў на выратаванне братоў 1968-га і 1960-га гг. нар., якія пражывалі ў прыватным жылым доме в. Зубарэвічы Глускага раёна. Трагедыя адбылася 11 красавіка каля гадзіны ночы. Мясцовыя жыхары выклікалі ратавальнікаў, калі дом ужо палаў. Цела аднаго з братоў знайшлі каля акна ў пакоі, непадалёк знаходзіўся і другі. Прычына здарэння ўстанаўліваецца. Праверку па факце гібелі праводзіць Глускі раённы аддзел следчага камітэта.

Не пашкадавала стыхія і 43-гадовага жыхара в. Холстава Быхаўскага раёна. Пажар адбыўся 12 красавіка днём. Гаспадара знайшлі на ложку ў падпаленым пакоі. Загінулы пражываў адзін, не працаваў. Прычыну таго, што адбылося, яшчэ трэба будзе высветліць спецыялістам.

12 красавіка каля паловы першага дня магілёўскія ратавальнікі выязджалі на ліквідацыю ўзгарання на адкрытай пляцоўцы ЗТАА «Кронаспан ОСБ», размешчанай у свабоднай эканамічнай зоне «Магілёў». У выніку пажару пашкоджаныя адкіды драўніны на плошчы 200 кв. м. Будынак і маёмасць прадпрыемства не пашкоджаныя, тэхналагічны працэс не парушаны. Прычына здарэння ўстанаўліваецца.