Шэсць пажараў у Магілёве, Бабруйску Крычаве, Бабруйскім і Асіповіцкім раёнах адбылося за выходныя ў вобласці, загінулі 4 чалавекі, паведамілі ў Магілёўскім абласным УМНС.
Так, 30 снежня ў 06.59 у службу МНС ад магіляўчан, якія пражываюць у дзевяціпавярховым жылым доме па вул. Маўчанскага паступіла паведамленне аб пажары кватэры на восьмым паверсе. Ратавальнікі аператыўна прыбылі да месца выкліку - на лесвічнай клетцы было слабое задымленне. Суседзі паведамілі, што ўнутры можа знаходзіцца 63-гадовы пенсіянер. Яго без прыкмет жыцця знайшлі на ложку. У выніку ўзгарання ў пакоі пашкоджана 1, 5 кв.м. падлогі і ложак, закураны сцены і столь. Спецыялісты не выключаюць, што пажар мог адбыцца з-за неасцярожнасці пры курэнні. Эвакуацыя жыхароў пад'езда не праводзілася.
У панядзелак, 1 студзеня, у 17.31 ад суседзяў паступіла паведамленне аб пажары жылога дома ў в. Туркі Бабруйскага раёна. Будова гарэла адкрытым полымем. На ложку ў палаючым пакоі былі знойдзены двое загінуўшых: 51-гадовы гаспадар і яго госця. Прычына пажару высвятляецца. Праверку па факце ўзгарання і гібелі праводзіць Бабруйскі міжраённы аддзел Следчага камітэта Рэспублікі Беларусь.
Зусім не святочным стала 1 студзеня для 68-гадовага жыхара Крычава. Каля 11 гадзін вечара пры падпалцы лазневага катла на мужчыне загарэлася адзенне. З дыягназам "тэрмічны апёк ніжніх канечнасцяў 13% цела" пенсіянер шпіталізаваны.
3 студзеня ў 04.49 раніцы ў службу МНС патэлефанавалі жыхары вёскі Атнянка Магілёўскага раёна і паведамілі аб пажары дачнага дома па вул. Ветэранаў. Пад канструкцыямі без прыкмет жыцця знойдзены мужчына, асоба якога ўстанаўліваецца. Прычына трагедыі высвятляецца.
Рэд.
