Забег трушком з уборкай смецця: у Магілёве 20 мая адбудзецца першы плогінг-забег

У Магілёве 20 мая ў 17.30 пачнецца плогінг-забег. Працягласць маршруту – каля 3 км. Старт ад вуліцы Турава (паркоўка на месцы былога міні-рынку).

Дабрацца да месца збору можна аўтобусамі № 24 і № 28, прыпынак «Вуліца Турава».

Удзельнічаць у забегу могуць усе жадаючыя –неабходна прайсці анлайн-рэгістрацыю. Усе падрабязнасці аб туры і рэгістрацыя тут: http://ploggingby.tilda.ws/ploggingtour.

Плогінг –маладырух, які набірае папулярнасць ва ўсім свеце. Ідэя аб’яднаць бег з уборкай прыйшла ў галаву шведскаму актывісту Эрыку Альстрэму ў 2016 годзе, калі ён вярнуўся ў Стакгольм c гарналыжнага курорта і ўбачыў смецце на вуліцах роднага горада. У назве сышліся словы plocka upp, на шведскім «забіраць», і jogging – «бег трушком».

Плогінг-забег у Магілёве –частка плогінг-тура, які праходзіць у Беларусі з 15 па 23 мая. Яго ўдзельнікі ладзяць забегі ў розных участках абласных гарадоў і Мінску.

Рэд.