Замест акцыі «Чысты лес» сёлета Мінлясгас правядзе акцыю «Адновім лясы разам» на Магілёўшчыне

Замест акцыі «Чысты лес» сёлета Мінлясгас правядзе акцыю «Адновім лясы разам». Пра гэта расказалі ў прэс-службе ведамства.

Пройдзе акцыя з 8 па 22 кастрычніка на тэрыторыі Магілёўскай вобласці, якая найбольш пацярпела сёлета ад ветравалаў. Да 1 верасня ў рэгіёне было распрацавана амаль 3 млн кубаметраў ветравальна-бураломнай драўніны. Зараз тут плануецца стварыць новыя лясы на плошчы не менш за 500 гектараў.

– Усё лета ў напружаным рэжыме работнікі лясгасаў ліквідавалі наступствы непагадзі, аператыўна распрацоўвалі пашкоджаную драўніну, каб не дапусціць страты яе якасці. А зараз прыйшоў час для аднаўлення прыроднага багацця краіны, – адзначыла прэс-сакратар Мінлясгаса Анастасія Мацкевіч.

Каб прыняць удзел у акцыі, валанцёраў просяць звярнуцца ў найбліжэйшыя лясгасы і лясніцтва Магілёўскай вобласці.

СБ