Аляксандр Лукашэнка 18 лютага падпісаў указ аб увядзенні сцягоў тэрытарыяльнай бароны. Гэтым жа дакументам зацверджаны палажэнні аб сцягах тэрытарыяльнай абароны ўсіх абласцей Беларусі, іх апісанні і выявы.
Войскі тэрытарыяльнай абароны Магілёўскай вобласці атрымалі сцяг з выявай герба рэгіёна ў цэнтры палотнішча.
Самі сцягі аднолькавыя для ўсіх абласцей – гэта чырвоныя палотнішчы 15х105 сантыметраў, абабітыя залатымі махрамі, а з боку дрэўка ідзе паласа шырынёй 25 сантыметраў з нацыянальным арнаментам. На палотнішча накладзеная дзесяціпрамянёвая белая зорка, у якую ўпісаны
блакітны пяціпялёсткавы васілёк. Характэрна, што кветка васілька ўжо калісьці прапаноўвалася ў якасці знака адрознення для пагонаў беларускіх войскаў. У цэнтры васілька размяшчаюцца гербы адпаведных абласцей.
Сцягі тэрытарыяльнай абароны ўводзяцца ў мэтах выхавання ў вайскоўцаў тэрытарыяльных войскаў адданасці свяшчэннаму абавязку абароны Айчыны, а таксама для захавання і развіцця воінскіх традыцый, гаворыцца ва ўказе.
Тэрытарыяльныя войскі былі створаны ў Беларусі ў 2002 годзе. Яны склікаюцца толькі на час вайны або ў перыяд напружанай ваенна-палітычнай сітуацыі і маюць дапаможнае значэнне. Фарміруюцца з грамадзян, якія адбылі тэрмін службы і знаходзяцца ў запасе.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 16:40
У Магілёве прыступілі да добраўпарадкавання дзіцячых пляцовак
25.04.2024 - 16:05
Выплаты матэрыяльнай дапамогі ветэранам да Дня Перамогі праходзяць ва ўрачыстай атмасферы
25.04.2024 - 12:17
У Магілёўскай вобласці сёлета пабудуюць 15 новых станцый абезжалезвання