Збор і сартаванне старой бытавой тэхнікі развівае Магілёўскі аблспажыўсаюз

Магілёўскі аблспажыўсаюз першым у сістэме Белкаапсаюза стаў развіваць нарыхтоўку і сартаванне бытавой тэхнікі, былой ва ўжыванні.

Аб’ёмы збору ў вобласці электроннага і электрычнага абсталявання, якое адслужыла свой тэрмін, ужо складаюць каля 15 тон на месяц. Гаворка ідзе пра сапсаваныя пральныя машыны, тэлевізары, газавыя пліты і гэтак далей. Экалагічны праект Магілёўскі аблспажыўсаюз пачаў рэалізоўваць са снежня мінулага года. У абласным цэнтры галоўным нарыхтоўшчыкам выступае Цэнтральны рынак і цэлая сетка пунктаў прыёму.

У спецыяльным цэху вядзецца разборка бытавых прыбораў, гэта значыць сартаванне дэталяў па відах другасных рэсурсаў: метал, шкло, пластык і гэтак далей. Калі гаворка ідзе пра буйнагабарытныя прыборы, то грамадзяне маюць магчымасць пакінуць заяўку для вывазу непатрэбнай бытавой тэхнікі і пры гэтым яшчэ зарабіць. Ахоплены паслугай і жыхары аддаленых вёсак: мабільныя нарыхтоўчыя пункты райста аб’язджаюць аддаленыя населеныя пункты.

Пра магчымасць пазбавіцца ад непатрэбных прыбораў вяскоўцы інфармуюцца праз раённую газету і аб’явы ў сельмагах. Дзяржаўная ўстанова «Аператар другасных матэрыяльных рэсурсаў» выплачвае кампенсацыю аблспажыўсаюзу за выдаткі па зборы.

СБ