Зборная Магілёўскай вобласці атрымала перамогу на рэспубліканскіх спаборніцтвах «Беларуская юнацкая ліга бокса»

Зборная каманда Магілёўскай вобласці стала пераможцай рэспубліканскіх спаборніцтваў «Беларуская юнацкая ліга бокса»-2023. Яны праводзяцца сярод юнакоў 13-14 гадоў у камандным фармаце ў выглядзе матчавых сустрэч паміж зборнымі абласцей і Мінска з мэтай прагляду перспектыўных спартсменаў, адбору ў юнацкую зборную краіны.

На папярэднім этапе зборная Магілёўшчыны выйграла ўсе 6 матчавых сустрэч. У фінале спаборніцтваў, які прайшоў у Жлобіне (Гомельская вобласць), каманда Магілёўскай вобласці сустрэлася са зборнай Віцебшчыны. Лік баксёрскіх паядынкаў нічыйны - 8:8. Але перамога ў рэспубліканскіх спаборніцтвах прысуджана камандзе Магілёўскай вобласці, бо яна выйграла матч (з лікам 10:6) з віцебскімі сапернікамі на папярэднім этапе.

За каманду-пераможцу выступілі 10 юных баксёраў з Магілёўскай абласной СДЮШАР прафсаюзаў «Спартак-35», а таксама па двое бабруйчан і крычаўлян, па адным прадстаўніку Слаўгарада і Магілёва.

mogilevnews.by