У Мінску прайшоў адкрыты Кубак Беларусі па стральбе з лука. У спаборніцтвах прынялі ўдзел больш за 140 спартсменаў з Беларусі і Расіі.
Нядрэнныя вынікі паказалі на турніры прадстаўнікі Магілёўскай вобласці. У асабістых спаборніцтвах па стральбе з класічнага лука першае месца заняла, у вострым саперніцтве з расіянкамі, Карына Дзямінская. Яшчэ адзін залаты медаль магіляўчанкі (Ганна Марусава, Карына Дзямінская, Ніна Собаль) выйгралі ў камандных спаборніцтвах.
Акрамя таго, Карына Дзямінская і Раман Нікіценак заваявалі бронзавую ўзнагароду ў спаборніцтвах змешаных каманд. Раман Нікіценак і Антон Кароўкін сталі таксама ўладальнікамі бронзы ў камандным першынстве ў мужчын.
Па выніках Кубка каманда Магілёўскай вобласці заняла першае месца ў агульным заліку, другімі сталі спартсмены Брэсцкай вобласці, на трэцім месцы - мінчане.
mogilevnews.by
