Жыхар Асіповіч у выніку зварачных работ атрымаў тэрмічны апёк 4% цела

У нядзелю, 4 лютага ў Асіповіцкую цэнтральную бальніцу з тэрмічным апёкам 4% цела быў шпіталізаваны 33-гадовы жыхар Асіповіч. Пра гэта паведамілі ў Магілёўскім абласным УМНС.

Як высветлілася, знаходзячыся ў гаражы па месцы жыхарства, асіпаўчанін выконваў зварачныя работы, у выніку чаго ад іскры загарэлася рыззё, якое ляжала побач. Мужчына самастойна справіўся з узгараннем, аднак пры тушэнні атрымаў тэрмічныя апёкі абедзвюх кісцей.

Як расказалі ў Магілёўскім абласным УМНС, за гэтыя выхадныя ў Магілёўскай вобласці адбылося 5 пажараў у Клімавічах, Асіповічах, Магілёўскім, Бялыніцкім і Чэрыкаўскім раёнах. Падчас аператыўнай работы выратаваны 2 жылыя дамы і 2 гаспадарчыя будынкі.

Рэд.