Змяніліся нормы выдачы і выкарыстання дазволаў на міжнародныя аўтаперавозкі грузаў

У Беларусі змяніліся асобныя нормы парадку размеркавання, выдачы і выкарыстання дазволаў на міжнародныя аўтаперавозкі грузаў, паведамілі ў прэс-службе Міністэрства транспарту і камунікацый.

«У прыватнасці, дазволы на праезд па тэрыторыі замежных дзяржаў будуць выдавацца транспартнай інспекцыяй перавозчыкам, якія з’яўляюцца зарэгістраванымі карыстальнікамі аўтаматызаванай сістэмы па ўліку і выдачы дазволаў і адлюстравалі звесткі аб грузавых транспартных сродках, кіроўцах і асобах, адказных за арганізацыю і выкананне міжнародных аўтамабільных перавозак, што пацвярджаюць іх дакументы», – расказалі ў прэс-службе.

Не пазней за 30 чэрвеня 2022 года аўтамабільным перавозчыкам неабходна падаць у структурныя падраздзяленні Транспартнай інспекцыі спіс грузавых транспартных сродкаў у новай форме, копіі пасведчанняў аб рэгістрацыі транспартных сродкаў, спіс кіроўцаў, даведку аб выручцы ад дзейнасці па міжнароднай перавозцы грузаў і іншыя звесткі. Азнаёміцца з падрабязнай інфармацыяй можна на сайце Мінтранса.

Змяненні прадугледжаны пастановай Міністэрства транспарту і камунікацый ад 16 сакавіка 2022 года № 6.

БЕЛТА