У 2024 годзе ў рамках правядзення свята "Купалле" ("Александрыя збірае сяброў") у аграгарадку Александрыя Шклоўскага раёна для малога бізнесу - суб'ектаў гаспадарання ўсіх форм уласнасці будзе прадугледжана асобная пляцоўка, размяшчэнне якой плануецца за асноўнымі гандлёвымі радамі (па схеме 2023 года ў раёне размяшчэння цырка).
У мэтах фарміравання канчатковага пераліку ўдзельнікаў гандлёвага абслугоўвання мерапрыемства заяўкі прымаюцца галоўным упраўленнем гандлю і паслуг Магілёўскага аблвыканкама па 29 красавіка 2024 года ў пісьмовым або электронным выглядзе з подпісам па формах, якія прыкладаюцца:
ЗАЯВА на ўключэнне ў пералік удзельнікаў для рамеснікаў;
ЗАЯВА на ўключэнне ў пералік удзельнікаў для юрыдычных асоб і індывідуальных прадпрымальнікаў
Заяўкі неабходна накіроўваць па электроннай пошце rezerv4@mogilev-region.gov.by
ЗВЯРТАЕМ УВАГУ
1. Разгляд заяў і расстаноўка аб'ектаў на схеме (выдзяленне месца пад устаноўку гандлёвага абсталявання) будзе ажыццяўляцца ў залежнасці ад даты паступлення заявы.
2. Заявы, накіраваныя пасля ўстаноўленага тэрмiну, а таксама пададзеныя не па форме, разгляду не падлягаюць.