Пісьмом Міністэрства працы і сацыяльнай абароны Рэспублікі Беларусь ад 11 лютага 2020 г. № 8-16/115П/3 «Аб парадку індэксацыі мінімальнай заработнай платы і грашовых даходаў насельніцтва за студзень 2020г.» паведамляецца наступнае.
У адпаведнасці з Законам Рэспублікі Беларусь «Аб індэксацыі грашовых даходаў насельніцтва з улікам інфляцыі» індэксацыя ўяўляе з сябе карэкціроўку велічыні не маючых аднаразовага характару даходаў фізічных асоб з бюджэтных крыніц у мэтах частковага пакрыцця страт, выкліканых інфляцыяй, і робіцца ў выпадку перавышэння пяціпрацэнтнага парога індэксам спажывецкіх цэн, вылічаным нарастальным вынікам з моманту іх папярэдняй індэксацыі (перагляду памераў даходаў).
Індэксацыя грашовых даходаў, устаноўленых ад базавай велічыні і базавай стаўкі, за студзень 2020 г. праведзена ў выглядзе аднаразовага перагляду.
Мінімальная заработная плата ўстаноўлена з 1 студзеня 2020 г. у памеры 375 рублёў пастановай Савета Міністраў Рэспублікі Беларусь ад 29 жніўня 2019 г. № 582.
Паводле інфармацыі Нацыянальнага статыстычнага камітэта Рэспублікі Беларусь, індэкс спажывецкіх цэн за студзень 2020 г.да снежня 2019 г. склаў 100,9 працэнта.
Індэкс спажывецкіх цэн за студзень 2020 г. не перавысіў пяціпрацэнтнага парога да месяца перагляду бюджэту пражытачнага мінімуму (лістапад 2019 г.). Такім чынам, грашовыя даходы, устаноўленыя ад дадзенага сацыяльнага нарматыву, індэксацыі за студзень 2020 г. не падлягаюць.
Насельніцтву, якое атрымлівае даходы на тэрыторыі Рэспублікі Беларусь з іншых крыніц, пакрыццё страт ад інфляцыі ажыццяўляецца па падставах, прадугледжаных калектыўнымі дамовамі (пагадненнямі).
Даведачна. Грашовыя даходы насельніцтва за студзень 2020 года, што падлягаюць індэксацыі ў парадку, устаноўленым заканадаўствам, індэксуюцца ў межах 239 рублёў 87 капеек – 100 працэнтаў зацверджанага бюджэту пражытачнага мінімуму ў сярэднім на душу насельніцтва, які дзейнічае на момант індэксацыі (Указ Прэзідэнта Рэспублікі Беларусь ад 28 студзеня 2006 года № 55 «Аб нарматыве індэксацыі грашовых даходаў насельніцтва з улікам інфляцыі»).
