Перасяленне беспрацоўных і членаў іх сем’яў на новае месца жыхарства і працы ажыццяўляецца ў адпаведнасці з Інструкцыяй аб парадку і ўмовах аказання садзейнічання ў перасяленні беспрацоўных і членаў іх сем’яў у сувязі з пераездам у іншую мясцовасць на новае месца жыхарства і працы з выплатай грашовых сродкаў, зацверджанай пастановай Міністэрства працы і сацыяльнай абароны Рэспублікі Беларусь ад 19.10.2016 № 62.
Беспрацоўным, якія заключылі дагавор аб перасяленні на новае месца жыхарства і працы, ажыццяўляецца выплата грашовых сродкаў у памеры сяміразовай велічыні бюджэту пражытачнага мінімуму.
Дадаткова ажыццяўляецца выплата грашовых сродкаў беспрацоўным у памеры двухразовай велічыні бюджэту пражытачнага мінімуму пры перасяленні беспрацоўных з гарадоў на новае месца жыхарства і працы ў малыя, сярэднія гарадскія паселішчы, у сельскую мясцовасць, а таксама гарады-спадарожнікі.
Акрамя таго, органам па працы, занятасці і сацыяльнай абароне па месцы знаходжання наймальніка пакрываюцца выдаткі на пераезд беспрацоўнага і членаў яго сям’і (расходы на праезд, перавозку маёмасці, сутачныя за час знаходжання ў дарозе) пры прад’яўленні дакументаў.
Калі грамадзянін, які перасяліўся на новае месца жыхарства і працы, адпрацуе ў наймальніка менш за адзін год, а таксама калі ён не прыступіць да працы без уважлівых прычын, то абавязаны вярнуць органу па працы, занятасці і сацыяльнай абароне па месцы знаходжання наймальніка ўсе выплачаныя яму грашовыя сродкі.
Перасяленне беспрацоўнага і членаў яго сям’і на новае месца жыхарства і работы па накіраванні органаў па працы, занятасці і сацыяльнай абароне з выплатай грашовых сродкаў і пакрыццём расходаў на пераезд аказваецца толькі адзін раз.
