ПереводчикАрхіў навін
У Магілёўскай вобласці прыбрана больш за 40% плошчаў збожжавых. Пра гэта паведаміла начальнік аддзела раслінаводства камітэта па сельскай гаспадарцы і харчаванні Магілёўскага аблвыканкама Лілія Гулінская.
У аснову сацыяльна-эканамічнай палітыкі краіны пакладзены інтарэсы простага чалавека. Такое меркаванне выказала член Пастаяннай камісіі па правах чалавека, нацыянальных адносінах і сродках масавай інфармацыі Палаты прадстаўнікоў Людміла Здорыкава.
Беларуская чыгунка на першы рэйс цягніка №2 Мінск–Масква прадала 236 білетаў. У зваротным кірунку цягнік №1 Масква–Мінск пасажыры набылі 229 квіткоў, паведамілі ў прэс-цэнтры БЧ.
Сёння ў 22.10 у першую паездку з Мінска ў Маскву адправіцца фірмовы цягнік «Беларусь» № 2/1 Мінск–Масква.
Упраўленне па працы, занятасці і сацыяльнай абароне Магілёўскага гарадскога выканаўчага камітэта 12 лютага правядзе інфармацыйна-кансультатыўную сустрэчу «Пераадольваем перашкоды разам» па магчымасці працаўладкавання грамадзян з інваліднасцю на прадпрыемствы Магілёва.
Электронны кірмаш вакансій пройдзе ў Магілёве 16 лютага. Пра гэта паведамілі ва ўпраўленні па працы, занятасці і сацыяльнай абароне гарвыканкама.
У гэты дзень з 10.00 да 12.00 у саіскальнікаў будзе магчымасць пагутарыць з наймальнікамі Магілёва ў рэжыме анлайн. «Падчас кірмашу ўсе, хто шукае працу, змогуць знайсці прыдатную вакансію, перадаць свае рэзюмэ і задаць наймальнікам пытанні, і, калі ўсё задавальняе, атрымаць запрашэнне на рэальнае субяседаванне», – адзначылі суразмоўцы.
На маючым адбыцца VI Усебеларускім народным сходзе будзе дэталёва разгледжаны праект Праграмы сацыяльна-эканамічнага развіцця Рэспублікі Беларусь на 2021–2025 гады. Для ўсебаковага і комплекснага абмеркавання будучыні важна прааналізаваць, з якім багажом краіна падыходзіць да чарговага перыяду.
Магілёўскі абласны мастацкі музей імя П. В. Масленікава вядзе працу па стварэнні па стварэнні новай экспазіцыі ў межах праекта «Настальгія». Жыхароў горада на Дняпры запрашаюць паўдзельнічаць у яе фарміраванні.
У Ратамцы (Мінская вобласць) прайшлі рэспубліканскія спаборніцтвы і першынство Беларусі па конным спорце (выездцы).
Некалькі ўзнагарод заваявалі прадстаўнікі Магілёўскага цэнтра алімпійскага рэзерву па конным спорце і сучасным пяцібор’і. У камандным першынстве Беларусі па выездцы Ева Аксанюк, Анастасія Ніканорава, Марыя Куляшова занялі другое месца, прапусціўшы наперад толькі каманду Мінскай вобласці.
Прамую тэлефонную лінію 13 лютага правядзе першы намеснік старшыні Магілёўскага аблвыканкама Анатоль Васільевіч Уласевіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
У Камітэце дзяржкантролю Магілёўскай вобласці 15 лютага будзе праводзіцца «гарачая лінія»з насельніцтвам рэгіёна на тэму: «Прыняцце ў Магілёўскай вобласці мер па скарачэнні колькасці аб’ектаў звышнарматыўнага будаўніцтва (даўгабудаў)».
З лютага бягучага года ў Магілёўскай вобласці пачалі вакцынацыю супраць інфекцыі COVID-19. У арганізацыі аховы здароўя рэгіёна паступіла 1610 доз вакцыны «Гам-КОВІД-Вак». З сярэдзіны лютага чакаецца наступнае паступленне вакцыны для працягу кампаніі імунізацыі,паведамілі ў абласным цэнтры гігіены, эпідэміялогіі і грамадскага здароўя.
Дэлегат VI Усебеларускага народнага сходу ад Чавускага раёна Дзіна Бондарава – не толькі малады кіраўнік(з 2018 года яна ўзначальвае Чавускі раённы цэнтр гігіены і эпідэміялогіі), але і дэпутат Чавускага раённага Савета дэпутатаў па Чаранкоўскай выбарчай акрузе №25.
Магілёўскае аддзяленне БелГПП і Гандлёва-прамысловая палата Самарскай вобласці плануюць падпісаць пагадненні аб супрацоўніцтве. Пра гэта ішла размова падчас рабочай сустрэчы кіраўнікоў палат, якая адбылася 4 лютага ў рэжыме анлайн, паведамляецца на сайце рэгіянальнага аддзялення БелГПП.
Ад беларускага боку на сустрэчы прысутнічалі генеральны дырэктар Магілёўскага аддзялення БелГПП Генадзь Чорны, начальнік аддзела знешнеэканамічных сувязяў Ганна Красоўская. З расійскага боку былі прэзідэнт ГПП Самарскай вобласці Валерый Фамічоў і кіраўнік упраўлення знешніх сувязяў Аляксей Папоў.
Пракурор Магілёўскай вобласці Аляксандр Чадзюк і старшыня Камітэта дзяржаўнага кантролю Магілёўскай вобласці Алег Садоўскі правялі выязны асабісты прыём грамадзян у Касцюковіцкім райвыканкаме.
Традыцыйны абласны агляд-конкурс аматарскіх тэатральных калектываў «У далонях маёй Беларусі» пройдзе ў лютым-сакавіку на Магілёўшчыне. Пра гэта карэспандэнту сайта паведамілі ў абласным метадычным цэнтры народнай творчасці і культурна-асветнай работы, які з’яўляецца арганізатарам маштабнага мерапрыемства.
У конкурсе прымуць удзел аматарскія тэатральныя калектывы, студыі і тэатры мініяцюр, якія дзейнічаюць на базе ўстаноў культуры рэгіёна. Галоўная ўмова –выступленні павінны быць на беларускай мове. Ужо паступіла каля 30 заявак.
Намеснік старшыні Магілёўскага гарвыканкама Ала Галушка зноў абраная – аднагалосна – старшынёй абласной арганізацыі ГА «Беларускі саюз жанчын». Такое рашэнне прынялі ўдзельнікі справаздачна-выбарнай канферэнцыі, якая прайшла сёння ў Магілёве.
Абласны семінар-трэнінг для ўдзельнікаў моладзевых атрадаў аховы правапарадку з усяго рэгіёна пройдзе ў Магілёве 5 лютага. Пра гэта паведамілі ў Магілёўскім абласным камітэце ГА «Беларускага рэспубліканскага саюза моладзі».
Для ўдзельнікаў МААП адбудзецца экскурсія па зале гісторыі пажарнай службы. Затым хлопцы сустрэнуцца на дыскусійнай пляцоўцы па культуры бяспекі і жыццядзейнасці чалавека, абмяркуюць хвалюючыя іх пытанні.
Пятнаццаць выпускнікоў Магілёўскага дзяржаўнага ўніверсітэта імя А. А. Куляшова атрымалі мантыі і пасведчанні аб заканчэнні магістратуры юрыдычных навук. Гэта другі выпуск магістрантаў кафедры юрыспрудэнцыі.
На працягу трох дзён на базе біятлоннага комплексу ў Чавусах праходзілі абласныя спаборніцтвы сярод дзяцей і падлеткаў па біятлоне «Снежны снайпер». За права прадставіць вобласць на рэспубліканскім этапе змагаліся найлепшыя лыжнікі Магілёўшчыны. Спускі і ўздымы, стральба з вінтоўкі і эстафета, снегапад і мароз – усе гэтыя выпрабаванні юныя спартсмены вытрымалі годна. Прыйшла пара адзначыць найлепшых кубкамі і медалямі.
Па выніках студзеня насельніцтва Магілёўскай вобласці здало ў банкі наяўнай і безнаяўнай замежнай валюты на суму $ 28,4 млн. у эквіваленце, а купіла – Br28, 2 млн. Такім чынам, чысты продаж замежнай валюты фізічнымі асобамі склаў $0,2 млн.
Значная частка валютна-абменных аперацый – гэта аперацыі з наяўнай замежнай валютай: у студзені яе продаж фізічнымі асобамі склаў $24,9 млн., купля – $22,4 млн.
Рэд.
У Магілёўскім спарткомплексе «Алімпіец» прайшоў чэмпіянат Беларусі па эстафетным бегу 4х400 метраў сярод жанчын і мужчын. У турніры прынялі ўдзел каманды з усіх абласцей краіны, а таксама эстафетныя чацвёркі нацыянальнай зборнай Рэспублікі. У эстафетах і ў жанчын, і ў мужчын нацыянальныя каманды сталі першымі.
У мужчынскай эстафеце каманда Магілёўскай вобласці ў складзе Уладзіслава Аляксандрава, Сяргея Карпава, Ягора Хаўратовіча і Рамана Валодзькіна заняла трэцяе месца.
Па выніках турніру пераможцамі ў агульнакамандным заліку сталі лёгкаатлеты Брэсцкай вобласці.
Магілёўскае дзяржаўнае прадпрыемства «Кінавідэапракат» запрашае на кінапаказ «Памяці класіка беларускай літаратуры...», прысвечаны 100-годдзю з дня нараджэння народнага пісьменніка Беларусі Івана Мележа.
Магілёўскі абласны камітэт ГА «БРСМ» 3 лютага запускае рэгіянальны фотаконкурс «Мінулае, сучаснасць, будучыня...», прысвечаны Дню абаронцаў Айчыны і Узброеных Сіл Рэспублікі Беларусь. Пра гэта паведамілі ў арганізацыі.
У Магілёўскай мытні ў 2020 годзе доля партый тавараў, што змяшчаюцца пад мытную працэдуру мытнага транзіту, час выпуску якіх не перавысіў 10 хвілін, склала 98,7%. Пра гэта паведамілі ў Магілёўскай мытні.
У ведамстве падкрэслілі, што скарачэнне часу выканання мытных фармальнасцяў спрыяе развіццю знешнегандлёвых сувязяў, стварэнню безбар’ернага асяроддзя для бізнесу, а таксама спрыяе паляпшэнню транзітнай прывабнасці Беларусі.
Рэд.
Магілёўскую вобласць на Усебеларускім народным сходзе прадставяць людзі розных прафесій і сфер дзейнасці.
Мікалай Барысенка кіруе магілёўскімі пошукавікамі амаль 3 дзясяткі гадоў. За гэты час колькасць неабыякавых да сваёй гісторыі ўдзельнікаў стала ўдвая большай. Пошукавікі дапамаглі ўстанавіць імёны 26 тыс. салдат і афіцэраў Чырвонай арміі, якія лічыліся прапаўшымі без вестак. Паўтары тысячы байцоў перапахавана. Важна захаваць пераемнасць пакаленняў прывіваць цікавасць моладзі да сваёй гісторыі.
Першы мільярд кВт/г электраэнергіі з моманту ўключэння ў аб’яднаную энергасістэму краіны выпрацаваў першы энергаблок Беларускай атамнай электрастанцыі.
Зараз тут працягваецца этап доследна-прамысловай эксплуатацыі, праводзіцца тэсціраванне сістэм і абсталявання на намінальным узроўні магутнасці. Каб азнаёміцца з ходам работ, а таксама ў межах партнёрскага агляду нацыянальнага плана дзеянняў па выніках стрэс-тэстаў, праведзеных у 2018 годзе, Беларускую АЭС 9–10 лютага наведаюць эксперты Еўрапейскай камісіі і Еўрапейскай групы рэгулюючых органаў у галіне ядзернай бяспекі (ENSREG).
Аляксандр Канавалаў – кіраўнік сялянска-фермерскай гаспадаркі «Новы быт» Шклоўскага раёна. Ён адзін з прадстаўнікоў Магілёўскай вобласці на VI Усебеларускім народным сходзе.
Аляксандр нарадзіўся і вырас на вёсцы. Пачаў займацца фермерствам разам з бацькам яшчэ 30 гадоў таму. За гэты час «Новы быт» ператварыўся ў сур’ёзную гаспадарку. Праўда, бацька займаўся свінагадоўляй, а малады фермер загарэўся ідэяй разводзіць буйную рагатую жывёлу.
Шосты том энцыклапедыі, надрукаваны выдавецтвам «Беларуская энцыклапедыя імя Петруся Броўкі», прысвечаны Магілёўскай вобласці. Пра гэта паведамляецца на сайце выдавецтва.
Старшыня Клічаўскага райвыканкама Віктар Рабкавец: «У прыярытэце – інтарэсы чалавека і яго дабрабыт»
Віктар Рабкавец, старшыня Клічаўскага раённага выканаўчага камітэта, удзельнік форума:
– Усебеларускі народны сход – даволі значны форум для Рэспублікі Беларусь. Гэта асноўнае звяно, паколькі ў ім будуць прынятыя аспекты, якія на самую блізкую перспектыву вызначаць задачы для развіцця краіны. Падрыхтоўчая праца вядзецца ўжо даўно: клічаўляне выказалі свае пажаданні на дыялогавых пляцоўках.
Лыжаролерная траса ў Чавусах 1 лютага сабрала хлопчыкаў і дзяўчынак з розных куткоў вобласці. Тут быў дадзены старт абласных спаборніцтваў сярод дзяцей і падлеткаў па біятлоне «Снежны снайпер» на прызы Прэзідэнцкага спартыўнага клуба.