Содержимое

Патрыятычная акцыя «Праспяваем «Дзень Перамогі» і святочны феерверк завяршылі святкаванне 9 Мая ў Магілёве.

Урачыстае мерапрыемства «У сэрцах пакаленняў – Вялікая Перамога» адбылося 9 мая на плошчы Славы. Тут сабраліся прадстаўнікі Магілёўскага аблвыканкама і гарвыканкама, дэпутацкіх карпусоў, грамадскіх аб’яднанняў, прадпрыемстваў і арганізацый горада, ветэраны, моладзь і жыхары абласнога цэнтра. Яны ўсклалі вянкі і кветкі да Вечнага агню і ўшанавалі хвілінай маўчання памяць загінулых. У гэты ж час на плошчы пачала працаваць выстава ваеннай тэхнікі. Тут жа прайшла маладзёжная патрыятычная акцыя «Ганарымся Радзімай сваёй» і рэспубліканская акцыя «Беларусь памятае».

Усебеларускі лёгкаатлетычны крос на прызы «СБ. Беларусь сёння» сабраў 7 мая ў Магілёве бегуноў з усёй краіны. Галоўны прыз – кубак, які ўручаецца нашай рэдакцыяй пераможцу каманднага заліку, – застаўся ў Магілёве. Спартсмены нашай вобласці сталі найлепшымі пятым разам запар!

mogilevnews.by

Маштабная рэканструкцыя падзей Вялікай Айчыннай вайны прагрымела 7 мая каля Бабруйскай крэпасці. У цэнтры апавядання–даваенны, акупаваны і вызвалены Бабруйск. У пастаноўцы пад назвай «Нашчадкі пераможцаў» прыняло ўдзел каля 500 чалавек: члены клубаў ваенна-гістарычнай рэканструкцыі, акцёры Магілёўскага абласнога тэатра драмы і камедыі імя У. І. Дуніна-Марцінкевіча, казацкага конна-спартыўнага клуба «Ярмак», мастацкія калектывы горада і раёна, навучэнцы школ і каледжаў. Аўтар ідэі і рэжысёр-пастаноўшчык – Анатоль Брычонак.