Содержимое

У Магілёўскай вобласці праводзяцца палявыя работы. На 12 мая сяўба яравых культур праведзена на 66% плошчаў, прадугледжаных заданнем, – гэта амаль 245 тысяч гектараў. Найбольш высокія тэмпы пасяўных работ – у клічаўскіх, магілёўскіх і мсціслаўскіх земляробаў (73%). «Дыхаюць у патыліцу» лідарам Дрыбінскі, Крычаўскі і Асіповіцкі раёны.

На тэрыторыі Вясноўскага дома-інтэрната для дзяцей-інвалідаў з асаблівасцямі псіхафізічнага развіцця ўрачыста адкрылі і асвяцілі царкву ў гонар святога Патрыкія. Епіскап Бабруйскі і Быхаўскі Серафім правёў Хрэсны ход і літургію, прысвечаную гэтай падзеі.

На базе ААТ «Бабушкина крынка» прайшла выязная калегія Міністэрства сельскай гаспадаркі і харчавання. У мерапрыемстве прынялі ўдзел намеснік кіраўніка міністэрства Аляксей Багданаў, старшыня камітэта па сельскай гаспадарцы і харчаванні Магілёўскага аблвыканкама Андрэй Кажамякін, генеральныя дырэктары прадпрыемстваў малочнай галіны рэспублікі і іншыя афіцыйныя асобы.

Цэнтр даследаванняў беларускай культуры, мовы і літаратуры Нацыянальнай акадэміі навук Беларусі 27-29 мая арганізуе II Міжнародны форум даследчыкаў беларускай казкі. У яго межах праводзіцца дзіцячы конкурс выканальнікаў беларускай казкі. Да ўдзелу запрашаюцца дзеці ва ўзросце да 17 гадоў.