На тэрыторыі Вясноўскага дома-інтэрната адкрылі і асвяцілі царкву ў гонар святога Патрыкія

На тэрыторыі Вясноўскага дома-інтэрната для дзяцей-інвалідаў з асаблівасцямі псіхафізічнага развіцця ўрачыста адкрылі і асвяцілі царкву ў гонар святога Патрыкія. Епіскап Бабруйскі і Быхаўскі Серафім правёў Хрэсны ход і літургію, прысвечаную гэтай падзеі.

Першы камень у фундамент царквы быў закладзены ў 2019 годзе. Актыўны ўдзел у яе будаўніцтве і афармленні прымалі работнікі і старэйшыя выхаванцы дома-інтэрната, настаяцель Глускага Багаяўленскага храма айцец Міхаіл.

Новы праваслаўны храм Святога Патрыкія ўзведзены за кошт спонсарскіх сродкаў і ахвяраванняў.