Старшыня Магілёўскага аблвыканкама Анатоль Ісачанка правёў сёння ўрачысты прыём, прысвечаны Дню жанчын. Яго ўдзельніцамі сталі каля 30 прадстаўніц жаночай грамадскасці Прыдняпроўскага краю. Сярод тых, хто прыбыў на ўрачыстасць у Палац культуры вобласці, дамы розных узростаў і прафесій, якія зарэкамендавалі сябе як выдатныя спецыялісты і цудоўныя мамы. Падчас свята Анатоль Ісачанка ўручыў ордэн Маці пяці жанчынам. Усім удзельніцам уручылі кветкі, а творчыя калектывы і выканаўцы Магілёва парадавалі жанчын выступленнем.
