Содержимое

VIII міжрэгіянальнае свята-конкурс «Зялёныя Каляды» прайшло на крыніцах Байкова Чавускага раёна. Фестываль прымеркаваны да свята Тройцы, які адзначаецца праз сем тыдняў пасля Вялікадня. Адкрыла фэст аднайменная праграма, якую прадставіў Дужаўскі сельскі Дом народнай творчасці. Пасля прайшлі абрадавыя конкурсы, у якіх удзельнічалі аматарскія калектывы з Чэрыкаўскага, Касцюковіцкага, Крычаўскага, Клімавіцкага і Чавускага раёнаў.

У аграгарадку Радамля Чавускага раёна 18 чэрвеня прайшоў абласны этап рэспубліканскага сямейнага сельскагаспадарчага праекта «Уладар сяла». 11 сем’яў, якія перамаглі на раённых этапах, спаборнічалі ў 7 конкурсах: творчых спаборніцтвах, дэманстравалі сілу і хуткасць у распілоўцы дроў, распрагалі каня, мяняліся ролямі і вучыліся спраўляцца з мужчынскімі і жаночымі абавязкамі, а яшчэ «падкуплялі» журы фірмовымі стравамі з прадуктаў са свайго агарода.