Тэатральныя сустрэчы «Лялькін куФЭр» пройдуць у Магілёве 6‑12 верасня і збяруць на адной пляцоўцы лялечнікаў з горада на Дняпры, Мінска, Гомеля, Маладзечна і Брэста. Праект рэалізуецца ўпершыню і прымеркаваны да юбілейнай даты – адкрыцця 45-га тэатральнага сезона. Напярэдадні адкрыцця мерапрыемства ў абласным тэатры лялек, які выступае арганізатарам свята, адбылася прэс-канферэнцыя. Журналістам не толькі расказалі пра фэст, але і правялі экскурсію, азнаёміўшы з майстэрнямі, у якіх ствараецца сцэнічнае афармленне.
