Старшыня Магілёўскага аблвыканкама Анатоль Ісачанка прыняў удзел у калегіі галоўнага ўпраўлення ідэалагічнай работы і па справах моладзі. У час сустрэчы намеснік старшыні аблвыканкама Валерый Малашка расказаў аб рабоце ідэалагічнай вертыкалі рэгіёну па ўсіх напрамках. У пасяджэнні таксама прынялі ўдзел памочнік Прэзідэнта - інспектар па Магілёўскай вобласці Леанід Мартынюк, старшыня абласнога Савета дэпутатаў Ірына Раінчык.
На трэці дзень XVI Міжнароднага маладзёжнага тэатральнага форуму «М.@rt.кантакт» магілёўскія гледачы ўбачылі тры спектаклі. На малой сцэне драмтэатра Пецярбургскі камерны Тэатр «ТОК» прадставіў займальны фарсавы спектакль у духу кабарэ на псеўданямецкай мове «Марыя Сцюарт». У Магілёўскім абласным лялечным тэатры Тэатр-студыя кінаакцёра УП «Нацыянальная кінастудыя «Беларусьфільм» (г. Мінск) прадставіў шоу з песнямі, жартамі і танцамі «Мікітаў лапаць». Завяршыла гэты дзень трагікамедыя «Чарлі Чаплін» Дзяржаўнага тэатра драмы і камедыі ім.
Штогадовы конкурс музычнай мастацкай самадзейнасці сярод сябраў прафсаюза будаўнічых арганізацый вобласці пройдзе 23 сакавіка ў Магілёве. Пра гэта паведамілі ў абласным камітэце галіновага прафсаюза.
У Магілёўскай вобласці на вясновых канікулах плануюць аздаравіць больш за 6,5 тыс. навучэнцаў. Для іх будуць арганізаваны 264 аздараўленчыя лагеры з дзённым знаходжаннем на базе ўстаноў агульнай сярэдняй адукацыі, расказала намеснік начальніка галоўнага ўпраўлення па адукацыі аблвыканкама Ірына Кускова.
Міністэрства аховы здароўя перагледзела патрабаванні да займання пасад медыка і фармацэўта. Гэта прадугледжана ведамаснай пастановай ад 1 лютага 2023 года нумар 21, паведамляецца на Нацыянальным прававым інтэрнет-партале.
Жыхары Магілёва, Бабруйска, Бабруйскага, Кіраўскага, Магілёўскага, Быхаўскага раёна сёння сабраліся ў Борках на мітынг-рэквіем, прысвечаны памяці трагедыі ў Хатыні і ўсіх населеных пунктаў, спаленых карнікамі ў гады Вялікай Айчыннай вайны.
У Магілёве на юнацкі турнір і Кубак Беларусі па кікбоксінгу збяруцца больш за 250 спартсменаў. Спаборніцтвы пройдуць 24-26 сакавіка ў спартыўным комплексе «Алімпіец», расказалі ў СДЮШАР прафсаюзаў «Спартак-35».
У другі дзень XVI Міжнароднага маладзёжнага тэатральнага форуму «М.art.кантакт» магілёўскія гледачы ўбачылі 2 пастаноўкі: спектакль «Локіс» Гродзенскага абласнога тэатра лялек і «Кароль Лір» тэатра-студыі «Невялікі драматычны тэатр» (Санкт-Пецярбург).
