ААТ «Магатэкс» перапрафілявала швейную вытворчасць на выраб шматразовых павязак для твару. На гэтым прадпрыемстве ў Магілёве, а таксама філіялах у Кобрыне, Полацку і Быхаве выпускаюць сродкі індывідуальнай абароны. У планах нарасціць аб’ёмы да 80 тыс. павязак за суткі.
Вядучы вытворца тэкстыльнай прадукцыі ў Беларусі і блізкім замежжы прыступіў да вытворчасці шматразовых павязак з канца лютага. Цяпер наладжана ўласная вытворчасць марлі сумесевай, а таксама выраб павязак з марлі і баваўняна- і віскозаўтрымлівальнай тканіны. На днях прадпрыемства атрымала дэкларацыю адпаведнасці павязак патрабаванням СТБ 638. Вырабленыя на «Магатэксе»сродкі індывідуальнай абароны пастаўляюцца для рэалізацыі праз аптэчную сетку Магілёўскага РУП «Фармацыя», а таксама перададзеныя супрацоўнікам таварыства для выкарыстання на працоўных месцах.
Для самастойнага вырабу ахоўнай павязкі ў хатніх умовах спецыялісты прадпрыемства рэкамендуюць выкарыстоўваць баваўняную тканіну арт.07С11. Яе можна набыць у фірмовых крамах «Магатэкс» у Мінску, Магілёве і Брэсце. Кошт аднатоннай тканіны складае Br8,85 за метр, з малюнкам–Br11,4. Пры самастойным вырабе павязкі рэкамендуецца складанне тканіны ў 2 пласты.
Для эфектыўнасці прымянення шматразовых павязак дзейнічаюць тыя ж патрабаванні па выкарыстанні, што і для аднаразовых: важна мяняць сродкі абароны кожныя 2–3 гадзіны, а ў выпадку ўвільгатнення тканіны ад кашлю або чхання–часцей. Шматразовыя вырабы дапушчальна мыць ўручную ў гарачай вадзе ў мыльным растворы, асобна ад астатняй бялізны, сушыць у распраўленым стане, абавязкова прасаваць з двух бакоў.
Пры выкарыстанні матэрыялаў актыўная гіперспасылка на mogilev-region.gov.by абавязковая
04.06.2025 - 11:17
Ва ўсіх тралейбусах Магілёва зараз можна плаціць банкаўскай карткай за спадарожнікаў
02.06.2025 - 09:19
«Бабруйскаграмаш» плануе паставіць у Казахстан прадукцыі на $2,5 млн у першым паўгоддзі
30.05.2025 - 09:25
26.05.2025 - 13:45
Пад кулісныя пасевы ў Магілёўскай вобласці адведзена 26 тысяч гектараў
22.05.2025 - 14:48