ААТ «Світанак імя К.П.Арлоўскага» ўрачыста адзначыў сваё 80-годдзе

Святочнае мерапрыемства з нагоды 80-гадовага юбілею ААТ «Рассвет імя К.П.Арлоўскага» наведалі член Савета Рэспублікі Нацыянальнага сходу Рэспублікі Беларусь, старшыня абласнога Савета дэпутатаў Аляксандр Гарошкін, старшыня камітэта па сельскай гаспадарцы і харчаванні Магілёўскага аблвыканкама Анатоль Ланкуць, старшыня Магілёўскага абласнога прафсаюза работнікаў аграпрамысловага комплексу Уладзімір Пятровіч, кіраўнікі сельгаспрадпрыемстваў і арганізацый Прыдняпроўскага краю, работнікі і ветэраны гаспадаркі, прадстаўнікі дэпутацкага корпуса, жыхары райцэнтра.

Віншуючы калектыў «Рассвета» Аляксандр Гарошкін падкрэсліў, што юбілей сельгаспрадпрыемства - значная дата для ўсяго рэгіёну.

 - Працаўнікі гаспадаркі на працягу многіх дзесяцігоддзяў не толькі дэманструюць прафесіяналізм і адданасць роднай зямлі, цешаць высокімі вытворчымі вынікамі, але і паказваюць прыклад сапраўднай згуртаванасці, пераемнасці слаўных традыцый, - сказаў Аляксандр Рыгоравіч.

Па даручэнні старшыні Магілёўскага аблвыканкама Анатоля Ісачанкі Аляксандр Гарошкін уручыў ганаровыя граматы і падзякі лепшым працаўнікам гаспадаркі.

Вітаючы ўдзельнікаў мерапрыемства член Савета Рэспублікі Нацыянальнага сходу Рэспублікі Беларусь, дырэктар ААТ «Рассвет ім. К.П.Арлоўскага» Аляксандр Багель адзначыў, што святкаваць юбілеі заўсёды прыемна. Але гэта, на яго думку, яшчэ і вялікая адказнасць.

- Сёння мы святкуем 80-ю гадавіну ўтварэння нашага калгаса. 27 ліпеня 1944 года прайшоў сход, на якім вяскоўцы прагаласавалі за старшыню Кірыла Пракопавіча Арлоўскага. І калгас «Чырвоны партызан» быў перайменаваны ў калгас «Рассвет», - сказаў Аляксандр Іванавіч. - Ужо ў канцы 1944 года гаспадарка налічвала 60 галоў буйной рагатай жывёлы, 70 коней, мела даволі значны грашовы фонд. Я нагадаю, гэта была вайна. Так нараджалася вера, што ўсё будзе інакш, будзе лепш. Амаль 24 гады Кірыл Пракопавіч узначальваў калгас «Рассвет». Менавіта ён заклаў адну з галоўных традыцый рассветаўцаў - любіць зямлю, рупліва да яе ставіцца. Сваё слова ён стрымаў. У 50-я гады мінулага стагоддзя калгас «Рассвет» адным з першых у Савецкім Саюзе стаў мільянерам. У 1968 году на змену легендарнаму Арлоўскаму прыйшоў не проста дужы гаспадарнік, а маштабна думаючая асоба - Васіль Старавойтаў. Ён здолеў захаваць традыцыі і прымножыць усё, што было зроблена Арлоўскім. Вось так абодва старшыні пакінулі пасля сябе спадчыну, якая паўплывала на далейшае развіццё гаспадаркі. Яны запомніліся не толькі сваімі дасягненнямі, але і сваёй працавітасцю, пастаянным пошукам і патрабавальнасцю ў першую чаргу да сябе, а затым да людзей. Яны абодва разумелі, што галоўнае багацце «Рассвету»- гэта зямля і людзі, і рабілі ўсё, каб на рассветаўскай зямлі хацелася жыць і працаваць.

Урачыстасці з нагоды юбілею прайшлі ў аграгарадку Мышкавічы і сабралі гасцей з усёй Беларусі і нават з блізкага замежжа. У час выступленняў госці неаднаразова падкрэслівалі, што ААТ «Рассвет» - гэта сучаснае, перадавое, сельскагаспадарчае прадпрыемства, якое дынамічна развіваецца з магутнай матэрыяльна-тэхнічнай базай і высокакваліфікаванымі кадрамі.

mogilevnews.by