Рус Бел Eng 中文

Аб прыярытэтах рэгіянальнай сацыяльнай палітыкі ішла гаворка на пасяджэнні калегіі камітэта па працы, занятасці і сацыяльнай абароне Магілёўскага аблвыканкама

Аб прыярытэтах рэгіянальнай сацыяльнай палітыкі ішла размова на пасяджэнні калегіі камітэта па працы, занятасці і сацыяльнай абароне Магілёўскага аблвыканкама, якое адбылося сёння ў канферэнц-зале абласнога ўпраўлення Фонду сацыяльнай абароны насельніцтва Беларусі, перадае карэспандэнт сайта.

У рабоце калегіі прынялі ўдзел намеснік Міністра працы і сацыяльнай абароны Аляксандр Румак і намеснік старшыні аблвыканкама Віктар Некрашэвіч.

Акцэнт быў зроблены на самыя актуальныя пытанні: занятасць, заработная плата і сацыяльная падтрымка насельніцтва Прыдняпроўскага краю.

Паводле дадзеных на 1 студзеня 2019 года ўзровень рэгіструемага беспрацоўя па Магілёўскай вобласці складаў 0,4 % да колькасці эканамічна актыўнага насельніцтва пры прагнозе на канец года – не больш за 1,1%. На ўліку ва ўпраўленнях па працы, занятасці і сацыяльнай абароне знаходзілася 1,6 тыс. беспрацоўных пры наяўнасці 7,7 тыс. заяўленых наймальнікамі вакантных месцаў. Для параўнання: на 1 студзеня 2018-га гэтыя лічбы складалі 2,7 тыс.і 6 тыс. адпаведна. Каэфіцыент напружанасці знізіўся з 0,4 на пачатак 2018 года да 0,2 на пачатак 2019 года, паведаміла старшыня камітэта працы, занятасці і сацыяльнай абароны аблвыканкама Святлана Тарасенка.

Яна звярнула ўвагу, што за мінулы год за кошт стварэння новых вытворчасцяў і прадпрыемстваў знайшло месца працы не менш за 5 тыс. чалавек. Садзейнічанне ў працаўладкаванні было аказана 24,6 тыс. грамадзянам, у тым ліку больш за 3,1 тыс. жыхарам рэгіёна, асабліва тым, хто мае патрэбу ў сацыяльнай абароне і не здольны на роўных умовах канкурыраваць на рынку працы. Арганізавана навучанне для 1120 чалавек, з якіх 59,3% – пад заказ наймальніка.

Удзельная вага працоўных месцаў са шкоднымі ўмовамі працы знізілася на 10% да ўзроўню папярэдняга года.

Намінальная налічаная сярэднямесячная заработная плата па Магілёўскай вобласці за студзень-снежань 2018 года была роўная Br802,9. Тэмп яе росту да 2017-га склаў 115,4%, што дазволіла забяспечыць павелічэнне ў рэальным вылічэнні на 10%.

Святлана Тарасенка падкрэсліла, што за мінулы год органамі па працы, занятасці і сацыяльнай абароне рэгіёна прызначана 23,2 тыс. новых пенсій і дапамог. Колькасць іх атрымальнікаў складала 310 492 чалавекі, а на гэтыя выплаты ў 2018-м накіравана Br1 298,9 млн.

Пастаянна вядзецца работа па ўдасканаленні дзяржаўнага стандарту ў галіне сацыяльнага абслугоўвання насельніцтва. Сёння на тэрыторыі Магілёўскай вобласці дзейнічае 25 ТЦСАН, дзе функцыянуе 129 аддзяленняў і 152 сацыяльныя пункты (147 у сельскай мясцовасці). Створана 13 «прыёмных», 159 «гасцявых» і 270 «патранатных» сем’яў, 10 дамашніх санаторыяў, 8 дамоў зімоўкі, 10 дамоў (кватэр, пакояў) сумеснага (сезоннага) знаходжання (у 2018 годзе адкрыты такі дом у Асіповіцкім раёне). На абслугоўванні ў аддзяленні сацыяльнай дапамогі на даму цэнтраў знаходзіцца 12 441 чалавек. У кожным тэрытарыяльным цэнтры сацыяльнага абслугоўвання насельніцтва функцыянуюць аддзяленні дзённага знаходжання для інвалідаў, якія на пастаяннай аснове наведвае 730 жыхароў рэгіёна.  У «крызісных» пакоях ТЦСАН паслугу часовага прытулку ў мінулым годзе атрымалі 104 чалавекі, у тым ліку 54 пацярпелых ад гвалту ў сям’і.

Святлана Тарасенка паведаміла, што ў Магілёўскай вобласці безбар’ерным доступам абсталявана 122 аб’екты сацыяльнай інфраструктуры.

У 2018 годзе дзяржаўная адрасная сацыяльная дапамога прадастаўлена 52,8 тыс. грамадзянам на агульную суму Br 14 008 тыс. Сямейны капітал прызначаны 1 718 сем’ям. Ордэнам Маці ўзнагароджана 97 шматдзетных маці.

Працягвалася праца па арганізацыі спрыяльных умоў для пражывання грамадзян у 9 дамах-інтэрнатах вобласці, 12 аддзяленнях кругласутачнага знаходжання. На ўмацаванне іх матэрыяльнай базы было накіравана Br776,2 тыс. Так, у Глуску створана адно аддзяленне суправаджальнага пражывання, у Вясноўскім доме-інтэрнаце – тры. У апошнім сумесна з ірландскай дабрачыннай арганізацыяй «Праект дапамогі дзецям Чарнобыля» вядзецца рэалізацыя двух праектаў, накіраваных на падрыхтоўку выхаванцаў да самастойнага жыцця.

Разам з МГА «Голас сэрца» з 2016 года ва ўсіх дамах-інтэрнатах псіханеўралагічнага профілю ўкаранёна навучанне грамаце па спецыяльнай праграме. У 2018 годзе яго асвойвалі 85 чалавек, з іх 40 ужо знаходзяцца на другім этапе, 27 – на трэцім.

Усімі дамамі-інтэрнатамі прадастаўляюцца паслугі па кароткатэрміновым пражыванні, у Вясноўскім – па сацыяльнай перадышцы.

Пасля падвядзення вынікаў работы ў мінулым годзе ўдзельнікі калегіі вызначылі асноўныя задачы на 2019-ы. У іх ліку правядзенне эфектыўнай палітыкі садзейнічання занятасці насельніцтва, працяг работы па інтэграцыі ў працоўную сферу грамадзян, не здольных на роўных умовах канкурыраваць на рынку працы, у тым ліку інвалідаў, вызваленых з папраўчых устаноў крымінальна-выканаўчай сістэмы, бацькоў у шматдзетных і няпоўных сем’ях, жанчын, якія маюць малалетніх дзяцей, асоб перадпенсійнага ўзросту і інш. У ліку прыярытэтаў таксама тэмп росту заработнай платы не менш за 110% да 2018 года пры апераджальным тэмпе росту прадукцыйнасці працы, своечасовая яе выплата і недапушчэнне пратэрмінаванай запазычанасці, захаванне наймальнікамі гарантый, прадугледжаных Працоўным заканадаўствам. Актуальным застанецца кантроль за правядзеннем атэстацыі працоўных месцаў, удасканаленне мер па паляпшэнні ўмоў працы работнікаў арганізацый, рэалізацыя дзяржаўнага сацыяльнага заказу, сацпраектаў праз супрацоўніцтва з міжнароднымі грамадскімі арганізацыямі, укараненне новых формаў працы з насельніцтвам, выкананне мерапрыемстваў па стварэнні безбар’ернага асяроддзя. Працягнецца ўзаемадзеянне з работадаўцамі ў частцы правільнага афармлення і своечасовага прадастаўлення дакументаў, неабходных для прызначэння, выплаты пенсій і інш.

Падчас калегіі падвялі вынікі абласнога агляду якасці і культуры сацыяльнага абслугоўвання насельніцтва за 2018 год.

Дыпломамі і грашовымі прызамі былі адзначаны:

сярод упраўленняў па працы, занятасці і сацыяльнай абароне гарадскіх і раённых выканаўчых камітэтаў:

I месца – упраўленню па працы, занятасці і сацыяльнай абароне Бялыніцкага райвыканкама;

II месца – упраўленню па працы, занятасці і сацыяльнай абароне Клічаўскага райвыканкама;

III месца – упраўленню па працы, занятасці і сацыяльнай абароне Краснапольскага райвыканкама;

сярод упраўленняў сацыяльнай абароны адміністрацый раёнаў у гарадах Бабруйску і Магілёве:

I месца – упраўленню сацыяльнай абароны адміністрацыі Кастрычніцкага раёна г. Магілёва;

сярод тэрытарыяльных цэнтраў сацыяльнага абслугоўвання насельніцтва:

I месца – установе «Кіраўскі раённы Цэнтр сацыяльнага абслугоўвання насельніцтва»;

II месца – установе сацыяльнай абароны «Тэрытарыяльны Цэнтр сацыяльнага абслугоўвання насельніцтва Першамайскага раёна г. Бабруйска»;

III месца – установе «Слаўгарадскі раённы Цэнтр сацыяльнага абслугоўвання насельніцтва»;

сярод дамоў-інтэрнатаў:

I месца – дзяржаўнай установе сацыяльнага абслугоўвання «Каменскі псіханеўралагічны дом-інтэрнат»;

II месца – дзяржаўнай установе сацыяльнага абслугоўвання «Вясноўскі дом-інтэрнат для дзяцей-інвалідаў з асаблівасцямі псіхафізічнага развіцця»;

III месца – дзяржаўнай установе сацыяльнага абслугоўвання «Быхаўскі псіханеўралагічны дом-інтэрнат».

Акрамя таго, за шматгадовую добрасумленную працу, значны асабісты ўклад у развіццё сацыяльнага абслугоўвання насельніцтва медалём «За працоўныя заслугі» ўзнагародзілі намесніка начальніка ўпраўлення сацыяльнай абароны адміністрацыі Ленінскага раёна г. Магілёва Таццяну Пацёмкіну. Начальнік упраўлення па працы, занятасці і сацыяльнай абароне Бабруйскага гарвыканкама Наталля Казакова ўдастоена Ганаровай граматы Савета Міністраў. Першы намеснік старшыні Камітэта па працы, занятасці і сацыяльнай абароне аблвыканкама Аляксандр Крыкуноў атрымаў ганаровую грамату Адміністрацыі Прэзідэнта. Падзяка Прэзідэнта краіны аб’яўлена загадчыку медыцынскага аддзялення ДУСА «Каменскі псіханеўралагічны дом-інтэрнат» Таццяне Мацуры. 

Шэраг работнікаў сістэмы камітэта за свае дзелавыя і прафесійныя якасці ўзнагароджаны ганаровымі граматамі Міністэрства працы і сацыяльнай абароны, падзякамі міністра працы і сацыяльнай абароны, Ганаровымі граматамі абласнога выканаўчага камітэта, абласнога камітэта прафсаюза работнікаў дзяржаўных і іншых устаноў, камітэта па працы, занятасці і сацыяльнай абароне аблвыканкама, а таксама сертыфікатамі аб занясенні на Дошку гонару камітэта.

При использовании материалов активная гиперссылка на mogilev-region.gov.by обязательна