Магілёўская абласная камісія па выбарах Прэзідэнта Рэспублікі Беларусь створана на сумесным пасяджэнні прэзідыума Магілёўскага абласнога Савета дэпутатаў і Магілёўскага абласнога выканаўчага камітэта пад старшынствам Анатоля Ісачанкі.
Удзел у пасяджэнні прынялі памочнік Прэзідэнта - інспектар па Магілёўскай вобласці Леанід Мартынюк, старшыня абласнога Савета дэпутатаў Аляксандр Гарошкін, члены прэзідыума абласнога Савета дэпутатаў, члены аблвыканкама, прадстаўнікі кантралюючых і наглядных органаў, кіраўнікі структурных падраздзяленняў аблвыканкама, а таксама прадстаўнікі сродкаў масавай партый, грамадскіх аб'яднанняў, працоўных калектываў і грамадзян, якія вылучылі сваіх прадстаўнікоў у склад камісіі.
Як адзначыў старшыня аблвыканкама Анатоль Ісачанка, ва ўстаноўленыя заканадаўствам тэрміны паступіла 17 дакументаў ад палітычных партый, грамадскіх аб'яднанняў, груп грамадзян аб вылучэнні ў склад абласной камісіі па выбарах Прэзідэнта.
Начальнік галоўнага ўпраўлення арганізацыйна-кадравай работы Сяргей Іваноў нагадаў, што абласная камісія, якая можа быць сфарміравана ў складзе ад 9 да 13 членаў, арганізуе правядзенне выбараў Прэзідэнта, ажыццяўляе кантроль за выкананнем патрабаванняў Выбарчага кодэкса і іншых актаў заканадаўства аб выбарах на тэрыторыі вобласці. Таксама яна кіруе дзейнасцю раённых і ўчастковых камісій, ажыццяўляе іншыя функцыі, звязаныя з выбарчай кампаніяй. «З мэтай забеспячэння максімальнага прадстаўніцтва ў складзе абласной камісіі ад палітычных партый, грамадскіх аб'яднанняў, працоўных калектываў і грамадзян, таксама для рэгіянальнага прадстаўніцтва, прадстаўніцтва ўсіх узроставых груп і пластоў насельніцтва прапануецца вызначыць колькасць сябраў Магілёўскай абласной камісіі па выбарах Прэзідэнта Рэспублікі Беларусь у адпаведнасці з Выбарчым кодэксам па максімуме ў колькасці 13 чалавек», - адзначыў ён.
Такім чынам, шляхам адкрытага галасавання ў склад абласной камісіі па выбарах Прэзідэнта Рэспублікі Беларусь увайшлі 13 чалавек.
Як было адзначана на пасяджэнні, найбольшую актыўнасць на старце сёлетняй электаральнай кампаніі праявілі прадстаўнікі палітычных партый, грамадскіх аб'яднанняў: прадставіўшы ад кіруючых органаў абласных структур палітычных партый БП «Белая Русь», Камуністычнай партыі Беларусі, Ліберальна-дэмакратычнай партыі Беларусі і Рэспубліканскай партыі працы і справядлівасці - па 1 чалавеку (24%), ад абласных структур грамадскіх аб'яднанняў «Белая Русь», БРСМ, Беларускі Саюз жанчын, Беларускае грамадскае аб'яднанне ветэранаў, галіновых прафсаюзаў - 7 чалавек (41%), ад працоўных калектываў - 1 чалавек (6%) , 5 чалавек было вылучана грамадзянамі шляхам падачы заяў.
Асноўнымі крытэрыямі пры вывучэнні прадстаўленых кандыдатур, з'яўляліся жыццёвы вопыт, прафесійная працоўная дзейнасць, досвед працы ў камісіях, узровень прадстаўніцтва грамадскіх аб'яднанняў і палітычных партый у вобласці, іх пазнавальнасць і аўтарытэт сярод насельніцтва. Акрамя таго, пры ўтварэнні камісіі, безумоўна, улічаны патрабаванні арт.34 Выбарчага кодэкса.
Ужо паслязаўтра, 6 лістапада, адбудзецца першае арганізацыйнае паседжанне абласной камісіі, на якім будзе разгледжаны шэраг арганізацыйных пытанняў і абраны кіруючы склад.
Выбары Прэзідэнта Беларусі назначаны на 26 студзеня 2025 года.
Юлія Таранава, фота Галіны Гаўрыловіч
Пры выкарыстанні матэрыялаў актыўная гіперспасылка на mogilev-region.gov.by абавязковая
02.04.2025 - 12:40
01.04.2025 - 09:25
Магілёўская вобласць набліжаецца да экватара па сяўбе ранніх яравых збожжавых і зернебабовых
31.03.2025 - 10:27
У Магілёўскай вобласці збожжавыя культуры пасеяны на плошчы 47,9 тыс. га
26.03.2025 - 09:59
Прамую тэлефонную лінію 29 сакавіка правядзе ў Магілёўскім аблвыканкаме Генадзь Дзенгалёў
25.03.2025 - 12:19