Аддзяленне аператыўнай гінекалогіі адкрылася 7 сакавіка пасля рамонту і перааснашчэння ў Магілёўскай бальніцы №1, паведамляе прэс-служба Міністэрства аховы здароўя.
Рамонт і закупка медыцынскага абсталявання, душавых кабін, кандыцыянераў, халадзільнікаў і іншай тэхнікі праводзіліся за кошт пазабюджэтных сродкаў установы аховы здароўя і за кошт спонсарскай дапамогі.
Штомесяц у аддзяленні праводзіцца каля 320 аперацый. Тут выконваюцца высокатэхналагічныя аперацыі з ужываннем алатрансплантанта пры апушчэннях органаў малога таза, штогод павялічваецца колькасць лапараскапічных аперацый і аперацый з выкарыстаннем похвавага доступу, выконваюцца малаінвазіўныя эндаскапічныя ўмяшанні. Многія аперацыі з'яўляюцца ўнікальнымі для вобласці.
А камфортныя ўмовы знаходжання пацыентак у аддзяленні дапамогуць больш хуткаму аднаўленню пасля праведзеных аперацый, дадалі ў Міністэрстве аховы здароўя.
Пры выкарыстанні матэрыялаў актыўная гіперспасылка на mogilev-region.gov.by абавязковая
15.09.2025 - 10:48
30 маладых спецыялістаў прысвяцілі ў прафесію ў Магілёўскай бальніцы №1
18.08.2025 - 16:47
Бабруйскі радзільны дом папоўніўся дзесяццю маладымі спецыялістамі
05.08.2025 - 09:56
