Абсалютная рэкардсменка ЦЭ і ЦТ жыве ў Бабруйску

400 балаў - менавіта такі вынік у Дар'і Галамака, выпускніцы школы № 27 імя В. З. Харужай горада Бабруйска - рэкардсменкі цяперашняй уступнай кампаніі, паведамляе bobrlife.by. Вынік складаецца з ЦТ, ЦЭ і сярэдняга бала атэстата. Дар'я Галамака атрымала 100 балаў па рускай мове, матэматыцы і англійскай мове, сярэдні бал атэстата - 10. Сёлета паступае ў БДУ на эканамічны факультэт.

Дар'я Галамака - уладальнік дыплома II ступені заключнага этапу алімпіяды школьнікаў Саюзнай дзяржавы «Расія і Беларусь: гістарычная і духоўная агульнасць»; пераможца ўсіх этапаў рэспубліканскай алімпіяды па вучэбным прадмеце «Руская мова». Дар'я - пастаянная ўдзельніца інтэлектуальных гульняў «Што? Дзе? Калі?» гарадскога, абласнога і рэспубліканскага ўзроўняў. Захапляецца чытаннем мастацкай літаратуры.

У Бабруйску 300 балаў (два ЦЭ і атэстат) маюць 3 навучэнцы. Найбольшая колькасць стобальнікаў сёлета навучаліся ў сярэдняй школе № 27 (8 вынікаў).

bobrlife.by