Аб'яўлены конкурс на стварэнне лагатыпа Музея Славы Магілёўшчыны

Магілёўскі абласны краязнаўчы музей ім. А. Р. Раманава аб'явіў конкурс на стварэнне лагатыпа (знака) Музея Славы Магілёўшчыны ў Буйнічах. Пра гэта паведаміў намеснік дырэктара па мастацка-творчай дзейнасці ўстановы культуры Яўген Белавусаў.

«Конкурс з'яўляецца адкрытым і дыстанцыйным, таму ў кожнага ёсць магчымасць праявіць сябе і стварыць унікальны лагатып новага знакавага аб'екта Магілёўскай вобласці, стаўшы часткай вялікай каманды па стварэнню музея», - падкрэсліў Яўген Белавусаў.

Конкурсныя работы прымаюцца не пазней за 6 чэрвеня на адрас электроннай пошты музея: kraimog@mogilevmuseum.by. Палажэнне аб конкурсе размешчана на сайце ўстановы культуры.

Музей Славы Магілёўшчыны размешчаны ў Магілёўскім раёне побач з легендарным Буйніцкім полем, дзе ішлі самыя разлютаваныя абарончыя баі на подступах да абласнога цэнтра. Першапачаткова музей планавалі прысвяціць толькі вайсковай славе, але ў выніку канцэпцыя была пашырана. Цяпер экспазіцыя адлюструе не толькі ваеннае мінулае, але і гісторыю ўсяго рэгіёна, а таксама асноўныя этапы яго развіцця і дасягненні.

У афармленні экспазіцыі музея будуць скарыстаны самыя сучасныя тэхналогіі. Мультымедыйны фармат, розныя інтэрактывы, стварэнне эфекту прысутнасці - усё гэта дапаможа наведвальнікам яшчэ больш прасякнуцца гісторыяй вобласці. Плануецца, што пасля адкрыцця аб'ект стане культурна-адукацыйным цэнтрам, які будуць актыўна выкарыстоўваць для патрыятычнага выхавання моладзі.

БЕЛТА