Аб'ём падрадных будаўнічых работ у Магілёўскай вобласці ў першым паўгоддзі перавысіў 1 мільярд рублёў

Статыстычны агляд да Дня будаўніка, які штогод адзначаецца ў другую нядзелю жніўня, падрыхтавала Галоўнае статыстычнае ўпраўленне Магілёўскай вобласці. У 2024 годзе ў будаўніцтве працавалі 22,8 тысячы чалавек, што складае 5,4 працэнта ад агульнай колькасці занятых у эканоміцы рэгіёну. Сярэдні ўзрост работнікаў - 41,5 года. Пры гэтым 88,3 працэнта з іх - мужчыны.

У 47,3 працэнта жанчын-будаўнікоў і 14,7 працэнта мужчын-будаўнікоў вышэйшая адукацыя. Сярэдняе спецыяльнае — у 27,7 і 19,3 працэнта жанчын і мужчын адпаведна, прафесійна-тэхнічнае — у 25 і 55,5.

На канец 2024 года ў Магілёўскай вобласці функцыянавалі 700 будаўнічых арганізацый. Аб'ём падрадных работ у першым паўгоддзі 2025 года перавысіў 1 мільярд рублёў, што на 4,7 працэнта больш, чым за аналагічны леташні перыяд у супастаўных цэнах. Намінальная налічаная сярэднямесячная заработная плата за студзень - чэрвень склала 2,7 тысячы рублёў. Гэта 29,8 працэнта.

За першае паўгоддзе ў эксплуатацыю ўведзена 203,5 тысячы квадратных метраў агульнай плошчы жылых дамоў: 70,2 працэнта - у гарадах і пасёлках гарадскога тыпу, 29,8 - у сельскіх населеных пунктах. Больш за палову з іх - індывідуальная забудова.

Для грамадзян, якія стаяць на ўліку маючых патрэбу ў паляпшэнні жыллёвых умоў, уведзена 26 працэнтаў ад агульнага аб'ёму. Гэта 52,9 тысячы «квадратаў», у тым ліку 14,8 тысячы пабудаваны з выкарыстаннем дзяржаўнай падтрымкі. Што тычыцца арэнднага жылля, то ў першым паўгоддзі 2025 года ўведзена 37,8 тысячы квадратных метраў - 18,6 працэнта ад агульнага аб'ёму ўведзенага ў эксплуатацыю.

Усяго ў 2024 годзе жыллёвыя ўмовы палепшылі 1,9 тысячы грамадзян (сямей) з тых, хто стаіць у чарзе: 46,4 працэнта - шматдзетныя сем'і, 26 працэнтаў - маладыя сем'і.

Таксама ў рэгіёне здадзены асобныя аб'екты сацыяльна-культурнага прызначэння. Гэта два шматфункцыянальныя комплексы, дзве ўстановы агульнай сярэдняй адукацыі на 1900 вучнёўскіх месц і адна ўстанова дашкольнай адукацыі на 305 месц.

 СБ