Агляд-конкурс аматарскіх тэатральных калектываў стартуе ў Магілёве 25 лютага

Абласны агляд-конкурс аматарскіх тэатральных калектываў «У далонях маёй Беларусі» стартуе ў Магілёве 25 лютага. Пра гэта расказалі ў Магілёўскім абласным метадычным цэнтры народнай творчасці і культурна-асветнай работы.

Як расказалі арганізатары, сёлета традыцыйны агляд-конкурс будзе прысвечаны 80-годдзю Перамогі савецкага народа ў Вялікай Айчыннай вайне і пройдзе ў два этапы. Яго ўдзельнікамі стануць разнажанравыя аматарскія тэатральныя калектывы ўстаноў культуры вобласці. Сярод іх драматычныя, музычныя, пластычныя тэатры, тэатры-студыі, тэатры мініяцюр і іншыя.

Першы конкурсны прагляд адбудзецца 25 лютага. У ім прымуць удзел аматарскія тэатральныя калектывы з Магілёва, Бялыніцкага, Быхаўскага, Чавускага, Дрыбінскага, Круглянскага, Магілёўскага і Шклоўскага раёнаў. На наступны дзень, 26 лютага, выступяць калектывы з Бабруйска і Бабруйскага раёна, Глускага, Кіраўскага, Клічаўскага і Асіповіцкага раёнаў. Прагляд адбудзецца на сцэне Палаца мастацтваў у Бабруйску. Творчыя калектывы з Клімавіцкага, Касцюковіцкага, Краснапольскага, Мсціслаўскага, Слаўгарадскага, Хоцімскага і Чэрыкаўскага раёнаў 27 лютага прыме Цэнтралізаваная клубная сістэма Чэрыкаўскага раёна.

Фінал абласнога агляду-конкурсу з паказам найлепшых пастановак, адабраных падчас першага этапа, пройдзе ў Магілёве 20 сакавіка на сцэне Магілёўскага абласнога метадычнага цэнтра народнай творчасці і культурна-асветнай працы.

Па выніках конкурсу журы ўручыць удзельнікам і пераможцам дыпломы і прызы, а таксама прысудзіць шэраг спецыяльных дыпломаў.

БЕЛТА