Аграрыі Магілёўшчыны намалацілі 338,1 тыс. тон збожжавых і зернебабовых

Аграрыямі Магілёўскай вобласці па стану на 26 ліпеня ўбрана 131 468 га, намалочана 338 125 тон пры сярэдняй ураджайнасці 26 ц/га збожжавых і зернебабовых культур (без уліку кукурузы, грэчкі і проса). Пра гэта паведамілі ў камітэце па сельскай гаспадарцы і харчаванні аблвыканкама.

Азімы рапс убраны на плошчы 44 738 га, або 94 працэнты да плана, намалочана 81 801 тон пры сярэдняй ураджайнасці 18 ц/га.

Паралельна з уборкай ідзе церабленне лёну. Па вобласці выцераблена 3546 га, або 48% да плана. Перад аграрыямі Магілёўшчыны стаіць задача да 6 жніўня завяршыць гэту работу.

Ідуць работы па ўзворванні зямель пад азімы рапс. Так, па вобласці ўзворванне праведзена на 28 834 га.

Убрана саломы пасля ўзворвання збожжавых культур на плошчы 65 439 га.

На Магілёўшчыне працягваюцца работы і па нарыхтоўцы травяных кармоў. Другім укосам шматгадовая трава ў Магілёўскай вобласці скошана на плошчы 84 380 га, убрана з плошчы 74 235 га.

Па вобласці нарыхтавана: сена - 61198 тон, сенажу - 1412712 тон, сіласу - 16,8 тыс. тон. Усяго нарыхтавана 431.802 тон кармавых адзінак (36,4 працэнта да плана), што складае на адну ўмоўную галаву жывёлы 11,58 ц.к.ад. (+ 2,7 ц.к.ад. да ўзроўню 2023 г.).

Перад аграрыямі Магілёўшчыны пастаўлена задача максімальна нарыхтаваць і ўнесці арганічныя ўгнаенні ў летне-асенні перыяд, узмацніць тэмпы ўзворвання пад сяўбу азімага рапсу. Таксама стаіць задача забяспечыць уцягванне зямель пасля правядзення меліярацыйных мерапрыемстваў, выканаць аб'ёмы культуртэхнічнай меліярацыі ў 2024 годзе ўласнымі сіламі сельгасарганізацый, а таксама выканаць заданне па правядзенню перазалужэння палепшаных лугавых угоддзяў.

 mogilevnews.by