Аграрыі Магілёўскай вобласці намалацілі 417 143 тоны збожжавых і зернебабовых культур

Аграрыямі Магілёўскай вобласці па стану на 31 ліпеня ўбрана 161 146 га, намалочана 417 143 тоны пры сярэдняй ураджайнасці 25,9 ц/га збожжавых і зернебабовых культур (без уліку кукурузы, грэчкі і проса). Пра гэта паведамілі ў камітэце па сельскай гаспадарцы і харчаванні аблвыканкама.

Азімы рапс убраны на плошчы 46 377 га, або 98 працэнтаў да плана, намалочана 87 888 тон пры сярэдняй ураджайнасці 19 ц/га.

Паралельна з уборкай ідзе церабленне лёну. Па вобласці выцераблена 4487 га, або 61% да плана. Перад аграрыямі Магілёўшчыны стаіць задача да 6 жніўня завяршыць гэту работу.

Вядуцца работы і па нарыхтоўцы травяных кармоў. Другім укосам шматгадовая трава ў Магілёўскай вобласці скошана на плошчы 92 230 га, або 80 працэнтаў да плана, убрана з плошчы 81 620 га.

Па вобласці нарыхтавана: сена - 64 714 тон, сенажу - 1 439 636 тон, сіласу - 16,8 тыс. тон. Усяго нарыхтавана 441029 тоны кармавых адзінак (37,2 працэнта да плана), што складае на адну ўмоўную галаву жывёлы 11,83 ц.к.ад. (+ 2,7 ц.к.ад. да ўзроўню 2023 г.).

 mogilevnews.by