Алег Хмялькоў: сёння ў свеце ідзе глабальнае супрацьстаянне дабра і зла - гэта няпростае выпрабаванне, трэба яго прайсці ўсім разам

Выбары Прэзідэнта Беларусі - гэта адна з галоўных падзей у жыцці краіны і народа. Сваім меркаваннем аб маючай адбыцца палітычнай падзеі ў краіне спецыяльна для сайта Магілёўскага аблвыканкама падзяліўся дырэктар установы культуры «Магілёўскі абласны метадычны цэнтр народнай творчасці і культурна-асветнай працы» Алег Хмялькоў.

«Мы ўсё разумеем, што нашая палітычная сістэма засяроджаная вакол інстытута Прэзідэнта.

Гэта не проста чарговая электаральная кампанія. Народ будзе выбіраць не проста лідара, а шлях развіцця краіны на найбліжэйшыя пяць гадоў. Ад гэтага будзе залежаць, як мы будзем жыць далей, якой будзе дзяржава, эканоміка, палітыка, якімі будзем мы.

Сёння ў свеце ідзе глабальнае супрацьстаянне дабра і зла - гэта няпростае выпрабаванне, трэба яго прайсці ўсім разам.

Выбары аб'ядноўваюць людзей вакол кандыдата, які найлепшым чынам выкажа надзеі, спадзяванні, запыты выбаршчыка. Кожнаму чалавеку дадзена права праявіць сваю грамадзянскую пазіцыю і сказаць: "Мой голас важны і ён будзе аддадзены за нашу Беларусь", "Я хачу сам будаваць свой лёс і хачу сам выбіраць таго, каму б я даверыў яго".

Ні ў якім разе не трэба паддавацца правакацыям, якія, магчыма, будуць зыходзіць з боку недружалюбных нашай краіне людзей, якім абыякавы лёс нашай Беларусі.

Лічу, што толькі сваім адзінствам і згуртаванасцю мы зможам захаваць нашу краіну і яе будучыню, захаваць яе незалежнасць!

Галіна Гаўрыловіч, фота аўтара (з архіва)